Jong’ad Bura 19:18 - MUMA MALER 2015

¹⁸ Ng’atno nodwoke niya, “Waa Bethlehem-Juda, to wadhi mabor e chuny gode mag Efraim, kuma adakie. Nyocha adhi Bethlehem-Juda to koro adok dala. Kata kamano onge ng’ama oserwaka mondo abwor e ode.

Motingʼo Loko Manyien

¹⁸ Nodwoko niya, “Waa Bethlehem e piny Juda ka wadhi e chuny piny manie piny gode mag Efraim kuma adakie. Asebedo Bethlehem e piny Juda kendo koro adok e od Jehova Nyasaye. Onge ngʼama oserwaka e ode.

Jong’ad Bura 19:18 ပူးပေါင်းရင်းမြစ်များ

Zaburi 26:9

Kik itieka kaachiel gi joricho, kata gi joma chuero remo,

Ngeche 25:17

Kamano bende kik ilim wadu pile pile, nikech dipo ka ojok kodi, mi ochayi.

Johana 15:6

Ka ng’ato ok obet kuoma to iwite oko, mana kaka iwito bad yath, mi two. Bede ma kamago ichoko, kendo iwito e mach, mi wang’.

Joshua 18:1

Ka ne jo-Israel osekawo pinyno, ne gichokore Shilo giduto, mi giguro Hemb Romo kuro.

Jong’ad Bura 17:7

Ne nitie wuowi moro ma ja-Bethlehem-Juda, ma nyinge Ben-gershom. Ne en ja-Lawi ma ja-dhood Juda.

Jong’ad Bura 18:31

Kido manono mane Mika olosono nosiko kuno ndalo duto mane od Nyasaye ni Shilo.

Jong’ad Bura 19:17

Noting’o wang’e moneno ng’at ma jawuothno, mi nopenje kuma oaye kendo kuma odhiye.

Jong’ad Bura 19:19

Wan gi lum kod chiemo moko mag kenjewa. Bende wan gi chiemo kod divai moromowa, kendo onge gimoro mwachando.”

Jong’ad Bura 19:5

Chieng’ mar ang’wen ne gichiew chon, mi giikore mondo gia. To wuon nyako nowacho ni ore niya, “Rit chiemo, icham, mondo iyud teko. Eka bang’e inyalo a.”

Jong’ad Bura 20:18

Jo-Israel nowuok modhi Bethel, mi gipenjo Nyasaye wach niya, “Ere dhoot monego kuong dhi monjo jo-Benjamin?” Ruoth Nyasaye nodwoko ni, “Dhood Juda ema mondo okuong monjogi.”

1 Samuel 1:3

Higa ka higa, ng’atni ne wuok e dalane, kadhi Shilo mondo olem kendo otim misango ni Ruoth Nyasaye Manyalo Gik Moko Duto. E ndalogo, noyudo ka Hofni gi Finehas, yawuot Eli, ne tiyo kuno ka jodolo mag Ruoth Nyasaye.

1 Samuel 1:7

Wachni ne timore higa ka higa. Kane odhi e Od Ruoth Nyasaye, nyieke nosiko ka chande, omiyo noywak, kendo nokuno chiemo.