Jong’ad Bura 19:16 - MUMA MALER 2015

¹⁶ E sano, jaduong’ moro nobiro kanyo koa e puothe. Ne en ja piny gode mag Efraim, to kata kamano nodak Gibea ma en dala jo-Benjamin.

Motingʼo Loko Manyien

¹⁶ Odhiambono jaduongʼ moro moa e piny gode mag Efraim, mane odak Gibea (joma nodak kanyo ne gin jo-Benjamin), nobiro kanyo koa tiyo e puothe.

Jong’ad Bura 19:16 ပူးပေါင်းရင်းမြစ်များ

Chakruok 3:19

Inicham kuon gi luya, nyaka idog e lowo, nikech kanyo ema ne ogolie. In lowo, kendo lowo ema nidogie.”

Zaburi 104:23

Dhano to wuok dhi e tichne, kendo tiyo nyaka odhiambo.

Zaburi 128:2

Iniyud gik moko duto misetiyonigi, bende inidhi maber, kendo inibed mamor.

Ngeche 13:11

Mwandu moyudi e yo mayot lal piyopiyo, to mwandu mitiyone matek medore ameda.

Ngeche 14:23

Tich ema kelo chiemo. Thoro wach to kelo mana chan.

Ngeche 24:27

Kik igo dala mi iger ot maber kapok iloso puotheni ma miyi chiemo moromi.

Eklesiastes 1:13

Ne aketo chunya kuom nono tiend gik moko duto matimore e piny mondo apuonjra tiendgi, mi ayudo ni tich ma Nyasaye osemiyo dhano mondo onyagrego e piny ka lit ahinya.

Eklesiastes 5:12

Jachan pile nindo mamit, kata obedo ni ochamo gima tin kata mang’eny. Gik mang’eny ma jamoko nigo to miyo oparore, ma ok onyal nindo.

Hosea 9:9

Usedonjo matut e richo mana kaka notimore Gibea. Nyasaye nopar richou, mi nokumu.

Jo-Efeso 4:28

Ng’ama yande kwalo nyaka we kuelo, mondo ochak tich matek kendo modimbore gi lwete owuon, oyud gima dokonygo wadgi moro modhier.

2 Jo-Thesalonika 3:10

Adier, kane wan kodu to ne wamiyou chik ni ka ng’ato ok dwar mondo oti, to kik ochiem.

Jong’ad Bura 19:1

E ndalo mane piny Israel pok obedo gi ruoth, ja-Lawi moro nodak mabor e chuny gode mag Efraim. Nokendo nyako moro ma nyar Bethlehem-Juda.

Jong’ad Bura 19:14

Kamano ne giwuotho mi gikadho Jebus, kendo ne gichopo Gibea e piny jo-Benjamin ka chieng’ podho.

Jong’ad Bura 19:15

Ne gibaro, mi gidonjo e dalano mondo gibworie, to ne gibet mana e laru manie dier dala, nikech onge ng’ama norwakogi mondo ginind e ode.

Jong’ad Bura 19:17

Noting’o wang’e moneno ng’at ma jawuothno, mi nopenje kuma oaye kendo kuma odhiye.