Jong’ad Bura 18:7 - MUMA MALER 2015

⁷ Omiyo ji abichgo nowuok mochako wuodhgi. Ne giwuotho awuotha mi gipo ka gichopo Laish. Ne gineno ka jokuno odak gi kue mana kaka jo-Sidon. Ne gin ji mamuol man gi kue, ma ok par ni ng’ato dimonjgi, kendo ne gin gi gik moko, ma onge gimoro ma gichando. Ne gidak mabor gi jo-Sidon, kendo ne ok gitimo winjruok moro amora gi jo-Aram.

Motingʼo Loko Manyien

⁷ Omiyo ji abichgo noa mi gichopo Laish, kama negineno ka ji odak kanyo gi kwe, mana kaka jo-Sidon, maonge paro moro amora kata kibaji kendo negidak gi kwe. To nikech pinygi ne ok ochando gimoro amora, ne gin joma omewo. Bende, negidak mochwolore gi jo-Sidon kendo ne gionge gi osiep gi ngʼato angʼata.

Jong’ad Bura 18:7 ပူးပေါင်းရင်းမြစ်များ

1 Ruodhi 1:6

Nyaka oa e tinne wuon mare ne pok otale. Adonija ne wuod Daudi mane jalup’ Absalom, kendo ne en gi chia kaka owadgino.

1 Ruodhi 16:31

Ok noluwo mana richo mag Jeroboam kende, to gima rachie moloyo mane otimo, en ni nokendo Jezebel nyar Ethbaal ruodh jo-Sidon, kendo notiyo ni Baal, kolame.

1 Weche mag Ndalo 4:40

Mi ne ginwang’o lege momew kendo mabeyo. Pinyno ne lach ahinya. Jo-Ham ema nokwongo dakie.

Jeremia 49:31

‘Biuru mondo wamonj ji maparo ni odak gi kue, kendo onge gima nyalo timogi! Dhorangeyegi ni nono, kendo ok lor, bende ok riti.’ An Ruoth Nyasaye ema awacho kamano.

Jo-Rumi 13:3

nikech joma nie loch ok nyal bwogo joma timo maber, to mak mana joma timo marach ema gibwogo. Donge idwaro ni mondo joma nigi loch kik bwogi? Kara tim atima gik mabeyo, eka joma nigi loch nopaki,

Joshua 19:47

Kane oriemb jo-Dan e pinygi, ne gidhi nyaka Leshem, mi gimonjo dalano. Ne gikawe, kendo ne ginego ji duto ma nodakie. Ne gidak kuno, mi giloko nyinge ni Dan, nying kwargi.

1 Petro 2:14

kendo rituru bende chike mag jotelo ma gin joma en ema oketo mondo okum joma ketho, to opak joma timo maber.

Fweny 18:7

Miyeuru sand kod ywagruok moromore mana gi duong’ mane omiyore owuon kodak e ngima mamalo! Owacho e chunye niya, ‘An Ruoth, kendo ok nane gima dimi aywag ngang’.’

Jong’ad Bura 18:29

Ne gichake ni Dan, nying kwargi ma wuod Israel. To nying dalano mokwongo ne Laish.

Jong’ad Bura 18:6

Jadolono nodwokogi niya, “Dhiuru gi kue, Ruoth Nyasaye ni kodu e wuodhu.”

Jong’ad Bura 18:8

Kane ji abichgo odok Zora gi Eshtaol, jothurgi nopenjogi wach mane giyudo kuma ne giaye.

1 Samuel 3:13

Nyaka iwachne ni abiro ng’ado ni dhoode bura mosiko, nikech nong’eyo ni yawuote yanyo Nyasaye, to ne ok okwerogi.