Jong’ad Bura 18:31 - MUMA MALER 2015

³¹ Kido manono mane Mika olosono nosiko kuno ndalo duto mane od Nyasaye ni Shilo.

Motingʼo Loko Manyien

³¹ Negidhi nyime ka gitiyone nyiseche manono mane Mika oseloso, to kindegi duto od Nyasaye neni Shilo.

Jong’ad Bura 18:31 ပူးပေါင်းရင်းမြစ်များ

Jeremia 41:5

ji piero aboro nobiro koa Shekem gi Shilo kod Samaria. Ne oyudo giselielo tikgi, mi giyiecho lepgi, kendo gisaro dendgi, bende ne giting’o cham gi ubani mondo gichiw e Hekalu.

Jeremia 7:12

“Dhiuru Shilo, dala mane ayiero mokwongo mondo nyinga obedie, mondo uneye gima ne atimo kuno, nikech richo mag joga Israel.

Joshua 18:1

Ka ne jo-Israel osekawo pinyno, ne gichokore Shilo giduto, mi giguro Hemb Romo kuro.

Jong’ad Bura 19:18

Ng’atno nodwoke niya, “Waa Bethlehem-Juda, to wadhi mabor e chuny gode mag Efraim, kuma adakie. Nyocha adhi Bethlehem-Juda to koro adok dala. Kata kamano onge ng’ama oserwaka mondo abwor e ode.

Jong’ad Bura 21:19

Bang’e ne giparo ni Sap Ruoth Nyasaye mitimo Shilo higa ka higa biro timore machiegni. (Shilo ni yo nyandwat mar Bethel, kendo en yo milambo mar Lebona, to kendo en yo wuok chieng’ mar yo moa Bethel, kadhi Shekem.)

Jong’ad Bura 21:21

kendo urit une ka nyi Shilo wuok dhi miel e nyasi. Eka uwuogi, mondo ng’ato ka ng’ato kuomu omak nyako moro gi thwon, odoggo e piny Benjamin mondo obed chiege.

1 Samuel 1:3

Higa ka higa, ng’atni ne wuok e dalane, kadhi Shilo mondo olem kendo otim misango ni Ruoth Nyasaye Manyalo Gik Moko Duto. E ndalogo, noyudo ka Hofni gi Finehas, yawuot Eli, ne tiyo kuno ka jodolo mag Ruoth Nyasaye.

1 Samuel 4:4

Omiyo ne gioro wach Shilo, mi gikelo Sandug Muma mar Ruoth Nyasaye Manyalo Gik Moko Duto, ma en Nyasaye mobet ewi kerubi. Hofni gi Finehas, ma yawuot Eli, ema nobiro gi Sandug Muma.