Jong’ad Bura 18:27 - MUMA MALER 2015

²⁷ Kamano jogo noa gi jadolo kaachiel gi gik mane Musa oloso. Ne gidhi mi gimonjo Laish, kuma ji nodakie gi kue, kendo ok par ni ng’ato dimonjgi. Ne ginego joma nodak kuno, kendo ne giwang’o dalagi gi mach.

Motingʼo Loko Manyien

²⁷ Bangʼe negikawo gigo mane Mika oseloso, kod jadolo mare, kendo negidhi Laish, mondo giked gi jogo man-gi kwe kendo maonge gi ikruok moro amora mar kedo. Negimonjogi gi lingangla kendo negiwangʼo dala maduongʼno gi mach.

Jong’ad Bura 18:27 ပူးပေါင်းရင်းမြစ်များ

Chakruok 49:16

“Dan nobed jatend joge. Kamano nochal gi dhout Israel mamoko.

Rapar mar Chik 33:22

Kuom jo-Dan nowachoe kama, “Dhood Dan chalo gi nyathi sibuor, machikore koa Bashan.”

Joshua 11:11

Ne ginego gimoro amora mangima mane ni kuno, ma onge gima yueyo ma nodong’, kendo ne giwang’o dalano.

Joshua 19:47

Kane oriemb jo-Dan e pinygi, ne gidhi nyaka Leshem, mi gimonjo dalano. Ne gikawe, kendo ne ginego ji duto ma nodakie. Ne gidak kuno, mi giloko nyinge ni Dan, nying kwargi.

Jong’ad Bura 18:10

nikech Nyasaye osekete e lwetwa. Kudhi kuno to unuyud ni en piny malach man gi gik moko duto, kendo jopinyno ok par ni ng’ato dimonjgi.”

Jong’ad Bura 18:26

Bang’ mano jo-Dan nodhi nyime gi wuodhgi, to Mika bende kane oneno ni gitek ahinya moloye, noa modok dala.

Jong’ad Bura 18:7

Omiyo ji abichgo nowuok mochako wuodhgi. Ne giwuotho awuotha mi gipo ka gichopo Laish. Ne gineno ka jokuno odak gi kue mana kaka jo-Sidon. Ne gin ji mamuol man gi kue, ma ok par ni ng’ato dimonjgi, kendo ne gin gi gik moko, ma onge gimoro ma gichando. Ne gidak mabor gi jo-Sidon, kendo ne ok gitimo winjruok moro amora gi jo-Aram.

Jong’ad Bura 8:11

Gideon noluwo yor thim mane johala luwo, man yo wuok chieng’ man Noba gi Jogbeha, mi nomonjo jolwenygo apoya.