Jong’ad Bura 18:18 - MUMA MALER 2015

¹⁸ Kane jogo osedonjo e od Mika mokawo nyisechego, jadolo nopenjogi niya, “Ang’o mutimono?”

Motingʼo Loko Manyien

¹⁸ Kane jogi odhi e od Mika ma gikawo kido mopa, law mayom mar dolo miluongo ni efod, nyiseche manono mag udi kod nyiseche mopa, jadolo nowachonegi niya, “Angʼo mutimono?”

Jong’ad Bura 18:18 ပူးပေါင်းရင်းမြစ်များ

Isaya 46:2

Adier, nyisechego okulore ka luoro omako. Ok ginyal konyo joma lamogi, to gin giwegi ema iting’ogi, kiterogi e tuech!

Ezekiel 21:21

nimar adier ruodh Babulon ochung’ e tiend ranyisi manie akek yorego, koyiengo asere, kendo openjo nyisechene wach, bende orango chuny chiayo motimgo misango, mondo ong’ego yo monego oluw.

Tim jo-Lawi 26:1

“Kik ulos kido mar nyasaye manono, kendo kik uchung kido mopa kata siro milamo. Kidi moro amora mopa kik bed e pinyu mukulorune kulamo, nikech an e Ruoth Nyasaye ma Nyasachu.

Jong’ad Bura 18:17

Eka ji abichgo nodonjo ei ot mondo okaw nyiseche manonogo, to jadolo nodong’ kochung’ e dhorangach ka wuoyo gi jolweny mia auchiel ka.

Jong’ad Bura 18:19

Ne gidwoke ni, “Ling’ thi, kendo kik iwach gimoro. Bi kodwa mondo ibed jadolowa kendo jang’adnwa rieko. Ere gima ber moloyo? Bedo jadolo mar dhood Israel ngima, koso jadolo mar od ng’at achiel kende?”