Jong’ad Bura 18:14 - MUMA MALER 2015

¹⁴ Eka ji abich mane osedhi nono piny mokiewo gi Laish kande nowacho ni jowetegi mamoko niya, “Bende ung’eyo ni nitie kido mopa mag nyiseche manono e udigi? Koro paruru ane gima onego watim!”

Motingʼo Loko Manyien

¹⁴ Eka chwo abich mane obiro nono piny Laish nowachone owetegi niya, “Bende ungʼeyo ni achiel kuom udigi nigi law mayom mar dolo miluongo ni efod, nyiseche moko manono, kod kido mobaw gi fedha mag nyiseche manono? Koro ungʼeyo gima onego utim.”

Jong’ad Bura 18:14 ပူးပေါင်းရင်းမြစ်များ

Ayub 3:2

niya,

Ngeche 19:27

Wuoda, ka iweyo puonjruok, to piyopiyo nono wiyi biro wil gi gik ma iseng’eyo.

Hosea 3:4

Mano nyiso ni jo-Israel biro bet maonge ruodhi kata jotelo kendo maonge misengni kata sirni milamo, bende maonge kido mag nyiseche, kata gik mikorogo wach.

Jong’ad Bura 17:5

To Mikano ne nigi kare owuon mar lemo. Noloso kido moko manono molosonigi pasia, kendo noketo wuode moro mobedo jadolone.

Jong’ad Bura 18:13

Ne gia kanyo, mi gichopo dala Mika e piny gode mag Efraim.

Jong’ad Bura 18:15

Mi ne gibaro e dala Mika, kuma wuowi ma ja-Lawi cha nodakie, mi gimose.

Jong’ad Bura 8:27

Gideon noloso kido mar nyasaye manono gi dhahabugo, mochungo e dalane Ofra. Jo-Israel duto noweyo Nyasaye modhi kuno lamo nyasaye manonono. Ne odoko obadho ni Gideon kaachiel gi joode.

1 Samuel 14:28

Eka ng’at moro nowachone niya, “Wuoru nokwero ji matek gi kuong’ niya, ‘Okuong’ jalo machamo gimoro tinende.’ ” To noyudo nong’no koro ohewo ji ahinya,

1 Samuel 19:13

Bang’e Mikal nokawo kido mar nyasaye manono, moketo e kitanda, kendo noketone raten molos gi yie diek yo ka wiye, moumo duto gi nanga.