Jong’ad Bura 18:10 - MUMA MALER 2015

¹⁰ nikech Nyasaye osekete e lwetwa. Kudhi kuno to unuyud ni en piny malach man gi gik moko duto, kendo jopinyno ok par ni ng’ato dimonjgi.”

Motingʼo Loko Manyien

¹⁰ Ka uchopo kuno, to unuyud jogo ma ok oikore ne lweny kendo gi piny malach ma Nyasaye oseketo e lwetu, piny maonge gima ochando kendo man-gi gik moko duto.”

Jong’ad Bura 18:10 ပူးပေါင်းရင်းမြစ်များ

Wuok 3:8

Omiyo aselor mondo aresgi e lwet jo-Misri, kendo agolgi e pinyno mondo atergi e piny maber kendo malach. En piny momew, kendo machiek, ma koro jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebus ema odakie.

Ezekiel 20:6

Mano e kinde mane asingorae ni abiro gologi e Misri mondo atergi e piny momew kendo maberie moloyo pinje mamoko duto, mane aseyieronigi.

Rapar mar Chik 2:29

Omiyo yienwa mondo wakadhi mana kaka nyikwa Esau modak Seir kod jo-Moab modak Ar ne joyienwa, mwakadho. Bang’ mano, wanyalo ng’ado Jordan mondo wadonj e piny ma Ruoth Nyasaye ma Nyasachwa miyowa.’

Rapar mar Chik 4:1

Musa nomedo wacho niya, “To koro, un jo-Israel, winjuru chike gi buche ma apuonjou, kendo umak, eka unubed mangima kendo unudonj e piny ma Ruoth Nyasaye ma Nyasach kwereu nomiu, mudagie.

1 Timotheo 6:17

Nyis joma nigi mwandu mag pinyni mondo kik gibed jong’anyi, kendo kik giket chunygi kuom mwandu manono, to gigen mana Nyasaye ma miyowa gik moko mogundho mondo wabedgo mamor.

Joshua 2:23

Eka jombetre ariyogo nolor oa e got. Ne ging’ado aora, mi gidok ir Joshua.

Joshua 2:24

Ne ginyise weche duto ma notimorenigi, ka gimedo nyise niya, “Ruoth Nyasaye osemiyowa pinyno duto, kendo kibaji osemako ji duto, ka giwinjo birowa.”

Joshua 6:16

E sa mane gilworee mar abiriyo jodolo ne goyo tung’. Eka Joshua nowacho ni jolweny niya, “Koro gueuru, nikech Ruoth Nyasaye osemiyou dalani.

Jong’ad Bura 18:11

Kuom mano, jo-Dan mia auchiel nowuok Zora gi Eshtaol, koikore ni lweny.

Jong’ad Bura 18:27

Kamano jogo noa gi jadolo kaachiel gi gik mane Musa oloso. Ne gidhi mi gimonjo Laish, kuma ji nodakie gi kue, kendo ok par ni ng’ato dimonjgi. Ne ginego joma nodak kuno, kendo ne giwang’o dalagi gi mach.

Jong’ad Bura 18:7

Omiyo ji abichgo nowuok mochako wuodhgi. Ne giwuotho awuotha mi gipo ka gichopo Laish. Ne gineno ka jokuno odak gi kue mana kaka jo-Sidon. Ne gin ji mamuol man gi kue, ma ok par ni ng’ato dimonjgi, kendo ne gin gi gik moko, ma onge gimoro ma gichando. Ne gidak mabor gi jo-Sidon, kendo ne ok gitimo winjruok moro amora gi jo-Aram.

Jong’ad Bura 18:9

Ne gidwokogi niya, “Waseneno piny momew ahinya. Omiyo wadhiuru wamonj joma odakie. Kik udeki kayiem nono, to returu umonj pinyno kendo ukaw,