Jong’ad Bura 17:5 - MUMA MALER 2015

⁵ To Mikano ne nigi kare owuon mar lemo. Noloso kido moko manono molosonigi pasia, kendo noketo wuode moro mobedo jadolone.

Motingʼo Loko Manyien

⁵ Koro ngʼatni ma nyinge ne Mika neni gikare mar lemo, kendo noloso law mayom mar dolo miluongo ni efod kod nyisechegi kendo noketo achiel kuom yawuote kaka jadolo.

Jong’ad Bura 17:5 ပူးပေါင်းရင်းမြစ်များ

Chakruok 31:19

E kindeno, noyudo ka Laban odhi ng’ado yie rombe, kendo kane pod en kuro, Rahel nokwalo nyisechene,

Chakruok 31:30

Ang’eyo ni ne ia nikech siso ne oloyi gi joodu, to ang’o momiyo nikwalo nyisechena”?

1 Ruodhi 12:31

Nogero ut liswa e hembko mane oseloso moketoe jodolo moa e dhoudi duto, kata mane ok nyikwa Lawi.

1 Ruodhi 12:32

Jeroboam nogolo chik mondo otim sawo due apar gabich, due mar aboro, machal gi sawo mane jo-Juda timo, kendo notimo misango ni nyiruedhi mane oloso Bethel. Nogolo jodolo matiyo e hembko mane oseloso, moketo Bethel.

Ezra 1:7

To bende gik lemo mag Od Ruoth Nyasaye mane Nebukadnezar oyudo osegolo Jerusalem, mi oketo e od nyisechene, koro Kuros ruodh Persia nogolo,

Wuok 24:5

Eka nooro yawuowi moko ma jo-Israel monego ruedhi, mi gitimogo ni Ruoth Nyasaye misengni miwang’o pep, kod misengni mag sawo.

Wuok 28:15

Jatueng’o molony ema nyaka los law agoko mar ng’ado bura gi dhahabu kod usi mambulu gi maralik kod makwar, kod law katana maber, mana kaka olos efod.

Wuok 28:4

Lewni monego gilos e magi: Law agoko gi law dolo miluongo ni efod, gi aroya, gi law akor mogorie maridadi, kaachiel gi kilemba kod okanda. Ginibed lewni maler ma Harun owadu gi yawuote rwako ka tiyona tich dolo.

Wuok 29:9

kendo ituenigi okanda e nungogi, bende isidhnigi kilemba. Mano e kaka iniket Harun gi yawuote e tichgi, kendo ginibed jodolo mosiko nyaka chieng’.

Isaya 44:13

Japecho to pimo bao gi tol, kendo oketo alama kuome, eka opaye gi koyo, kendo olose maber e kido mar dhano, mana ni mondo ochunge achunga e od lemo!

Ezekiel 21:21

nimar adier ruodh Babulon ochung’ e tiend ranyisi manie akek yorego, koyiengo asere, kendo openjo nyisechene wach, bende orango chuny chiayo motimgo misango, mondo ong’ego yo monego oluw.

Ezekiel 21:26

An Ruoth Nyasaye awacho kama: Lony osimboni mar duong’ kod kilembani, nimar gik moko ok bi bedo kaka gin pile. Ji modhier ema biro yudo loch, to joma nigi teko biro podho.

Hosea 3:4

Mano nyiso ni jo-Israel biro bet maonge ruodhi kata jotelo kendo maonge misengni kata sirni milamo, bende maonge kido mag nyiseche, kata gik mikorogo wach.

Hosea 8:14

Jo-Israel osegero ut ruodhi, to wigi owil gi jachuechgi. Jo-Juda osegero mier mochiel motegno, to abiro oro mach mondo owang’ miego kaachiel gi ut ruodhigo.”

Kwan 3:10

Harun gi yawuote ema inimi tich dolo, to ng’at ma ok jadolo motiyo tich dolo nyaka negi.”

Jo-Hibrania 5:4

Bende onge ng’ama nyalo yierore kende owuon mondo okaw tich maduong’ mar bedo jadolo maduong’, to Nyasaye kende ema yiero ng’ato, mi ket jadolo, mana kaka noketo Harun.

Jong’ad Bura 17:4

Omiyo kane Mika odwoko fedhago ni min mare, min mare nokawo fedha mia ariyo kuomgi, momiyo jatheth molosonego kido mar bao, mobaw gi fedha. Kido nogo noketi e od Mika.

Jong’ad Bura 18:14

Eka ji abich mane osedhi nono piny mokiewo gi Laish kande nowacho ni jowetegi mamoko niya, “Bende ung’eyo ni nitie kido mopa mag nyiseche manono e udigi? Koro paruru ane gima onego watim!”

Jong’ad Bura 18:24

Nodwokogi niya, “Usekawo nyisechena mane aloso, kaachiel gi jadolona, uago, kendo koro adong’ nono, to eka pod upenja ni en ang’o ma thaga!”

Jong’ad Bura 18:30

Bang’e jo-Dan nochungo kido manono cha mondo gilam, kendo Jonathan nyakwar Gershom ma wuod Musa, kaachiel gi yawuote kod nyikwaye, nobedo jodolo mag dhood Dan nyaka ndalo mane odarie jo-Israel, moter e tuech.

Jong’ad Bura 8:27

Gideon noloso kido mar nyasaye manono gi dhahabugo, mochungo e dalane Ofra. Jo-Israel duto noweyo Nyasaye modhi kuno lamo nyasaye manonono. Ne odoko obadho ni Gideon kaachiel gi joode.

1 Samuel 19:13

Bang’e Mikal nokawo kido mar nyasaye manono, moketo e kitanda, kendo noketone raten molos gi yie diek yo ka wiye, moumo duto gi nanga.

1 Samuel 23:6

Kane Abiathar wuod Ahimelek oringo odhi Keila ir Daudi, nodhi koting’o law dolo miluongo ni efod e lwete.