Jong’ad Bura 17:3 - MUMA MALER 2015

³ Mi nodwoko ni min mare fedhago. To min mare nowachone niya, “Koro wuoda, akuong’ora ni abiro chiwo fedhagi ni Ruoth Nyasaye, mondo olosgo kido mar nyasaye mar bao, mobaw gi fedha. Kamano kuong’ ok nomaki.”

Motingʼo Loko Manyien

³ Kane odwokone min mare fedha ma pekne romo kilo apar gadekgo, min-gi nowachone niya, “Achiwo fedha maga duto ne Jehova Nyasaye mondo mi wuoda olosgo kido mopa mar nyasaye, omiyo koro aduogonigo.”

Jong’ad Bura 17:3 ပူးပေါင်းရင်းမြစ်များ

2 Weche mag Ndalo 33:7

Kido mar nyasaye manono ma noseloso, noketo ei Hekalu. To Nyasaye nosewuoyo kuom Hekaluno, kowacho ni Daudi gi Solomon wuod Daudi niya, “Aseyiero Hekaluni gi Jerusalem kuom dhoudi duto mag Israel mondo nyinga obedie nyaka chieng’.

Wuok 20:23

Kik ulos nyiseche mag fedha kata mag dhahabu mondo ulam kaachiel koda.

Wuok 20:4

“Kik ulos kido moro mopa kata gima chalo gi gimoro manie polo malo, kata manie piny mwalo, kata mana manie pi ma e bwo piny.

Wuok 34:17

“Kik ulos nyiseche mag mula mondo ulam.

Isaya 30:22

Bang’e unukaw nyisecheu manono mubawo gi fedha kata gi dhahabu, mi uwiti ka ukwanogi ka gik ma ok ler, kaka tutu kata chieth.

Isaya 66:3

“Ng’at moyang’o rwath chalre gi ng’at monego dhano. Ng’at motimo misango gi rombo, bende chalre gi ng’at moturo ng’ut guok, kendo ng’at mochiwo misango mar cham chalre gi ng’at mochiwo remb mbidhi, bende ng’at mowang’o ubani kar rapar chalre gi ng’at molamo nyiseche manono, kendo kaka chunygi mor gi timbe makuerogo,

Jeremia 10:8

Giduto gifuwo kendo gionge rieko, nikech giyudo riekogi manono mana kuom yien mopa!

Tim jo-Lawi 19:4

Kik uluw nyiseche manono, kendo kik uthedh nyiseche mag nyinyo mondo ulam. An e Ruoth Nyasaye ma Nyasachu.

Johana 16:2

Ji biro riembou e ut lemo. Adier, ndalo biro ma ka ng’ato onegou, to nopar mana ni otimo gima Nyasaye morgo.

Rapar mar Chik 12:3

Mukuru kendegi mag liswa gi sirni maggi milamo mag kite, kendo uwang’ sirni maggi milamo mag yien, mi uketh kido mag nyisechegi. Kamano unuruch nying nyisechegi oko kuondego.

Rapar mar Chik 27:15

“ ‘Okuong’ ng’at moloso kido mar nyasaye manono mar bao kata mar chuma, kata bed ni oketo gino kama opondo. Mano en tim makuero e nyim Ruoth Nyasaye.

Jong’ad Bura 17:13

Bang’e Mika nowacho niya, “Koro ang’eyo ni Ruoth Nyasaye biro guedha, nimar aseyudo jadolo ma ja-Lawi.”

Jong’ad Bura 17:2

Nowacho ni min mare niya, “Donge iparo pesani alufu achiel gi mia achiel mane okwal, kendo kaka niluongo jakuogno ka awinjo? An gi fedhago. An ema nakwalogi, to koro adwokonigi.” Min mare nowachone niya, “Nyasaye mondo oguedhi, wuoda!”

Jong’ad Bura 17:4

Omiyo kane Mika odwoko fedhago ni min mare, min mare nokawo fedha mia ariyo kuomgi, momiyo jatheth molosonego kido mar bao, mobaw gi fedha. Kido nogo noketi e od Mika.

Jong’ad Bura 18:30

Bang’e jo-Dan nochungo kido manono cha mondo gilam, kendo Jonathan nyakwar Gershom ma wuod Musa, kaachiel gi yawuote kod nyikwaye, nobedo jodolo mag dhood Dan nyaka ndalo mane odarie jo-Israel, moter e tuech.

Jong’ad Bura 18:5

Ne gikwaye niya, “Penjnwa Nyasaye wach ka wuodhwani biro bedo maber.”