Jong’ad Bura 17:13 - MUMA MALER 2015

¹³ Bang’e Mika nowacho niya, “Koro ang’eyo ni Ruoth Nyasaye biro guedha, nimar aseyudo jadolo ma ja-Lawi.”

Motingʼo Loko Manyien

¹³ Kendo Mika nowacho niya, “Koro angʼeyo ni Jehova Nyasaye biro timona maber, nikech ja-Lawi osebedo jadolo mara.”

Jong’ad Bura 17:13 ပူးပေါင်းရင်းမြစ်များ

Ngeche 14:12

Yo ma ng’ato paro ni ber, nyalo mana tere e tho.

Isaya 44:20

Ng’at ma kamano chamo mana buch kendo! Parone mofuwo osewuonde, mowite. Omiyo oonge gi rieko monyalo parogo ni gima oting’o e lweteno ok en gima adier.

Mathayo 15:13

Yesu nodwokogi ni, “Gimoro amora mane Wuora mae polo ok opidho, ibiro pudho.

Mathayo 15:9

Gilama kayiem nono, nimar gipuonjo chike mag dhano, mana ka gima gin chike Nyasaye!’ ”

Johana 16:2

Ji biro riembou e ut lemo. Adier, ndalo biro ma ka ng’ato onegou, to nopar mana ni otimo gima Nyasaye morgo.

Tich Joote 26:9

An awuon ne aparo ni onego atim gik moko duto maricho ma anyalo, nikech ne amon gi nying Yesu ja-Nazareth!

Jong’ad Bura 17:12

Mika nokete jadolone, mi nodak kode e dalane.

Jong’ad Bura 18:1

E kindego piny Israel ne pok obedo gi ruoth. To e ndalogo, jo-Dan ne dwaro piny mondo odagie, nikech ne pok giyudo lopgi giwegi kaka dhout Israel mamoko.

Jong’ad Bura 18:24

Nodwokogi niya, “Usekawo nyisechena mane aloso, kaachiel gi jadolona, uago, kendo koro adong’ nono, to eka pod upenja ni en ang’o ma thaga!”