Jong’ad Bura 16:5 - MUMA MALER 2015

⁵ Ruodhi mag jo-Filistia nodhi ir nyakono, mowachone niya, “Ho ane Samson, mondo ing’e kuma tekone malichno aye, kendo ing’e kaka wanyalo loye mi watueye kendo wamake. Kitimo kamano to ng’ato ka ng’ato kuomwa biro miyi fedha alufu achiel gi mia achiel.”

Motingʼo Loko Manyien

⁵ Jotend jo-Filistia nodhi ir Delila mi owachone niya, “Tem ane ka inyalo hoye mondo onyisi kuma tekone ae kendo ingʼe kaka wanyalo loye mondo mi watweye kendo sande. Wabiro miyi fedha ma pekne romo kilo apar gadek ngʼato ka ngʼato.”

Jong’ad Bura 16:5 ပူးပေါင်းရင်းမြစ်များ

Chakruok 33:16

Omiyo Esau nomako yo, modok Seir.

Mika 7:3

Gitimo timbe maricho gi chunygi duto. Jodongo kwayo gik moko mondo omigi, kendo jong’ad bura chamo asoya, bende jotelo golo chik mana kaka gin ema gihero.

Mathayo 26:15

mopenjogi niya, “Ang’o ma dumiya, ka aketo Yesu e luetu?” Kuom mano ne gimiye siling’ piero adek.

Joshua 13:3

(Pinyno duto chakre Shihor yo wuok chieng’ mar Misri, nyaka Ekron yo nyandwat, ikwano ka piny Kanaan. To ruodhi mag jo-Filistia ma nodak Gaza gi Ashdod gi Ashkelon gi Gath kod Ekron ema ne weg pinyno.) “Piny jo-Avim duto

Jong’ad Bura 14:15

Ndalo adek nokadho ka pok gihulo tiend ngerono. Chieng’ mar ang’wen ne giwacho ni chi Samson niya, “Ho chwori mondo onyisi tiend ngerono, nono to wabiro wang’i e od wuoru! Ne uluongowa ka mana ni mondo uyakwa koso?”

Jong’ad Bura 16:4

Bang’ mano, Samson nomako osiep gi nyako moro ma nyinge Delila ma nodak e holo Sorek.

Jong’ad Bura 16:6

Omiyo Delila nowacho ni Samson niya, “Yie inyisa kuma tekoni malichni aye. Ka ng’ato dwaro tueyi mondo omayi teko, onyalo timo ang’o?”

Jong’ad Bura 17:2

Nowacho ni min mare niya, “Donge iparo pesani alufu achiel gi mia achiel mane okwal, kendo kaka niluongo jakuogno ka awinjo? An gi fedhago. An ema nakwalogi, to koro adwokonigi.” Min mare nowachone niya, “Nyasaye mondo oguedhi, wuoda!”

Jong’ad Bura 3:3

Ogendinigo e magi: ruodhi abich mag jo-Filistia gi jo-Kanaan duto, gi jo-Sidon kod jo-Hivi mane odak Lebanon, chakre god Baal-hermon nyaka kama idonjogo Hamath.

1 Samuel 29:6

Omiyo Akish noluongo Daudi, mowachone niya, “Gi nying Ruoth Nyasaye, in jaadiera, kendo an to aneno ni owinjore wadhi kodi e lweny, nikech pok aneno rach moro kuomi, chakre ndalo mane ibiroe ira, nyaka chil kawuono. To kata kamano, jodongo ok oyie kodi.