Jong’ad Bura 16:4 - MUMA MALER 2015

⁴ Bang’ mano, Samson nomako osiep gi nyako moro ma nyinge Delila ma nodak e holo Sorek.

Motingʼo Loko Manyien

⁴ Bangʼ mano, nomako osiep hera gi nyako ma nyinge Delila e Holo mar Sorek.

Jong’ad Bura 16:4 ပူးပေါင်းရင်းမြစ်များ

1 Ruodhi 11:1

Ruoth Solomon nohero nyi pinje mamoko mang’eny. Nokendo nyar Farao, gi nyi Amon, gi nyi Edom, gi nyi Sidon, kod nyi Hiti.

Nehemia 13:26

Nawachonigi niya, “Donge ruoth Solomon noketho mana nikech wach mon makama? E pinje duto ne onge ruoth moro machal kode. Nyasache nohere mokete ruodh Israel duto, to kata en bende nyi jomoko notere e richo.

Ngeche 22:14

Terruok en bur matut ma joma Ruoth Nyasaye okechogo nyumoree.

Ngeche 23:27

Dhako ma jachode en bur matut, kendo dhako materore en soko ma dhoge diny.

Ngeche 26:11

Ng’at mofuwo ma nwoyo gima ofuwo ma osetimo chalo gi guok modok nang’o ng’okne.

Ngeche 27:22

Kata ka igoyo ng’at mofuwo mi both inego, to pod ofuwo afuwa.

1 Jo-Korintho 10:6

Gigo duto notimore mondo obednwa ranyisi ni mondo wan kik wagomb gik maricho kaka ne gigombo.

Jong’ad Bura 16:3

To Samson nonindo aninda nyaka dier otieno. Eka nochiew modhi omako thike mag ranga dala, gi sirni kargi ariyo. Nopudhogi kaachiel gi lodi mag dhorangach moterogi nyaka ewi got momanyore gi Hebron, koting’ogi e goke.

Jong’ad Bura 16:5

Ruodhi mag jo-Filistia nodhi ir nyakono, mowachone niya, “Ho ane Samson, mondo ing’e kuma tekone malichno aye, kendo ing’e kaka wanyalo loye mi watueye kendo wamake. Kitimo kamano to ng’ato ka ng’ato kuomwa biro miyi fedha alufu achiel gi mia achiel.”