Jong’ad Bura 16:30 - MUMA MALER 2015

³⁰ Nodhiro sirnigo gi muche duto, kokok niya, “We atho gi jo-Filistiagi.” Mi ot noruombore piny kuom ruodhi gi ji duto mane ni e iye. Kamano ji mane Samson onego kotho, ne ng’eny moloyo mago mane onego ka pod ongima.

Motingʼo Loko Manyien

³⁰ Samson nowacho niya, “Mad iyie atho gi jo-Filistia-gi!” Eka nodhiro sirnigo gi tekone duto, kendo hekalu norwombore piny kuom jotelo kod ji duto mane ni e iye. Omiyo nonego ji mangʼeny sa ma notho moloyo kane ongima.

Jong’ad Bura 16:30 ပူးပေါင်းရင်းမြစ်များ

Chakruok 3:15

Anaket sigu e kindi gi dhako, kendo e kind kothi gi kothe. Nyikwaye noto wiyi, to in nika ofunj tiendgi.”

Ayub 20:5

onge jaricho mosebedo mamor aming’a, kendo ilo mar ng’at ma ok dew Nyasaye rumo piyo.

Ayub 31:3

Donge chandruok gi masira ema orito joma timbegi richo?

Zaburi 62:3

Un duto ubiro monjo ng’at achielni nyaka karang’o mondo unegi? To ochalo mana gi ohinga mobam madwaro podho, kata chiel mohungore konchiel!

Eklesiastes 9:12

Ng’ato ok nyal ng’eyo sa ma kindene chopoe, nimar wachalo rech ma tol omako, kata winy ma omoko e wino. Adier, wamoko e sa marach ka ok wang’eyo kata matin.

Mathayo 16:25

nikech ng’at madwaro reso ngimane, to ngimane nolalne, to ng’at mawito ngimane nikech an, to noyud ngimane.

Tich Joote 20:24

To an ok akwan ngimana ka gimoro kata matin, to adwaro mana ni mondo achop wuodha, kendo atiek tich mane Ruoth Yesu omiya mondo ati, ma en hulo Wach Maber mar ng’wono mar Nyasaye.

Tich Joote 21:13

To Paulo nodwokowa niya, “Utimo ang’o, kuywak kendo utemo mondo uneg chunya? An aseikora mondo otueya, kata mondo atho Jerusalem nikech nying Ruoth Yesu!”

Jo-Filipi 2:17

Yie maru en misango muchiwo ni Nyasaye, omiyo kata ka obedo ni remba iolo kimedo e misangono, to berna, kendo adwaro mondo uduto ung’e kaka amor.

Jo-Filipi 2:30

nimar nochiwo ngimane mi both otho nikech tich Kristo, mondo okonya gi kony mane un uwegi ok unyal konyago, nikech un mabor koda.

Jo-Filipi 2:8

to nobolore, kendo nowinjo wach nyaka tho, mana tho mar msalaba!

Jo-Kolosai 2:15

To bende e msalabano ema ne Kristo omayoe joloch kod joteko teko duto mane gin go, kendo koselocho to nomiyogi wichkuot, kosembogi e lela ka wasumbe mondo ji onegi.

1 Jo-Thesalonika 5:2

nikech ung’eyo maber ni Chieng’ Ruoth nobi mana kaka jakuo biro gotieno,

Jong’ad Bura 14:19

Eka Much Ruoth Nyasaye nolor kuom Samson gi teko, mi nodhi Ashkelon. Nonego ji piero adek kuno, mogonyo lepgi. Eka nokelo lewnigo momiyo joma ne ohulo tiend ngerono. Bang’e nodok dala, kokecho ahinya.

Jong’ad Bura 15:15

Eka noneno chok lemb kanyna ma pod numu, mokwanyo, mi onegogo ji alufu achiel.

Jong’ad Bura 15:8

Nogoyogi arudha, monegogi mang’eny. Eka nodhi modak e lwanda morokore man Etam.

Jong’ad Bura 16:29

Eka nomako sirni ariyo madiere mosiro ot, mi nonyono piny matek, ka lwete ma korachwich ni kuom siro achiel, to ma koracham kuom siro machielo.

Jong’ad Bura 16:31

Owetene gi joodgi nobiro moomo ringre. Ne giyike e liend Manoa wuon mare, manie kind Zora gi Eshtaol. Nosebedo jatelo e Israel kuom higni piero ariyo.