Jong’ad Bura 16:25 - MUMA MALER 2015

²⁵ Kane gisemetho, mi giromo, ne giwacho niya, “Kelnwauru Samson, mondo obi otugnwa.” Omiyo ne gigole e od tuech, motugonigi. Bang’e ne gimiyo ochung’ e kind sirni mag ot.

Motingʼo Loko Manyien

²⁵ E seche mane gin-gi ilo mathothno, negigoyo koko niya, “Keluru Samson mondo omielnwa.” Omiyo negigolo Samson oko mar od twech, mi omielnegi. Kane oyudo gichunge e kind sirni,

Jong’ad Bura 16:25 ပူးပေါင်းရင်းမြစ်များ

2 Samuel 13:28

Absalom noloso chiemo mathoth, to noyudo osewacho ni jotichne niya, “Ka Amnon osemer, mi awachonu ni, ‘Negeuru,’ to unege. Kik uluor, nikech an awuon ema achikou. Beduru gi chir, kuikoru.”

1 Ruodhi 20:12

Ben-hadad nowinjo wachni kometho gi ruodhi kande e hembegi, mi nowacho ni joge niya, “Chanreuru ni lweny.” Mi ne giikore monjo dala Samaria.

Zaburi 69:12

Gikuodha e dala, kamoro amora ma giwuothoe kendo jomer chuogona wer ma gijarago.

Zaburi 69:26

nimar gisando ng’ama isekumo, kendo gigoyo siboi ni joma isehinyo!

Isaya 22:13

To kar timo kamano, to unutug atuga kumetho, kendo kuyang’o dhok gi rombe uchamo, ka uwacho niya, “Wachiemuru kendo wamethuru, nikech kiny wanatho.”

Mathayo 27:29

Bende ne giloso osimbo mar kudho mi gisidhone e wiye. Eka ne giketo luth e lwete korachwich, ka gichare, kendo giwachone niya, “Ruodh jo-Yahudi mondo odag aming’a!”

Jo-Hibrania 11:36

Jomoko ne oyany kendo ochwadi, to jomoko ne otue mi oketi e jela.

Jong’ad Bura 16:24

Kane ji oneno Samson, ne gipako nyasachgi, ka giwer niya, “Jasikwa moseketho pinywa, kendo onego jowa mang’eny, koro nyasachwa oseketo e lwetwa.”

Jong’ad Bura 16:26

Samson nowacho ni wuowi mane taye niya, “Yie iketa kama anyalo muloe sirni mag ot, mondo ayiengrae.”

Jong’ad Bura 18:20

Kane jadolo owinjo wachno, nodoko mamor ahinya, omiyo nokawo nyisechego, modhi gi jogo.

Jong’ad Bura 19:6

Omiyo ji ariyogo nobet piny, mochiemo kendo ometho. Eka wuon nyako nowacho ni ore niya, “Yie mondo iri, imed nenowa.”

Jong’ad Bura 19:9

Bang’e ng’atno nochung’ mondo oa gi chiege kod jatichne, to jaduong’ne nochako owacho niya, “Ok ine ka sa koro ng’eny, kendo piny dwaro yuso? Omiyo ri, mondo inewa kendo, to kiny inyalo chiew gokinyi, mondo idog thuru.”

Jong’ad Bura 9:27

Ne gidhi e puothegi, mi gipono mzabibu, kendo gikelo kuonde mag bicho, mondo gilosgo divai. Bang’’e ne gitimo sawo e hekalu mar nyasachgi, kuma ne gichiemoe kendo gimethoe, mi giyanyoe Abimelek.