Jong’ad Bura 16:24 - MUMA MALER 2015

²⁴ Kane ji oneno Samson, ne gipako nyasachgi, ka giwer niya, “Jasikwa moseketho pinywa, kendo onego jowa mang’eny, koro nyasachwa oseketo e lwetwa.”

Motingʼo Loko Manyien

²⁴ Ka ji nonene, negipako nyasachgi, kagiwacho niya, “Nyasachwa osechiwo jasikwa e lwetwa, ngʼatno mane oketho pinywa mi omiyo onegwa mangʼeny.”

Jong’ad Bura 16:24 ပူးပေါင်းရင်းမြစ်များ

1 Weche mag Ndalo 10:9

Ne gidedo Saulo, kendo ne ging’ado wiye, mi gikawo gige mag lweny. Eka ne gioro joote e piny Filistia duto, mondo oter wach maberno ni nyisechegi, kendo ni jopinygi.

Zaburi 97:7

Wichkuot omako ji duto malamo kido mag nyiseche manono. Ee, jogo duto masungore gi gik manono, wigi okuot. Kata mana nyiseche duto kulore e nyim Ruoth Nyasaye.

Isaya 37:20

To koro Ruoth Nyasaye ma Nyasachwa, reswa e lwet Senakerib, mondo ogendini duto mae piny ong’e ni in kendi e Nyasaye.”

Ezekiel 20:14

“To ne ok atimo kamano, nikech mano dine oketho nyinga, nimar ogendini mamoko ne oseneno ka agolo jo-Israel e piny Misri.

Daniel 5:23

Kar timo kamano to isepiem gi Ruodh Polo kuom kelo kikombe gi tewni mane osegol e Hekalu mare, mi umethoe. Ee, in gi jodongi kaachiel gi mondi mamoko ne umadho divai gi gigo, kupako nyiseche molos gi dhahabu gi fedha gi mula gi nyinyo gi bao kod kidi. Gin nyiseche ma ok nyal neno, kata winjo wach, kata ng’eyo gimoro. To ne ok iluoro Nyasaye morito ngimani kaachiel gi gik moko duto mitimo.

Daniel 5:4

Kane gimetho kamano, ne gipako nyiseche molos gi dhahabu gi fedha gi mula gi nyinyo gi yien kod kidi.

Habakuk 1:16

Bang’e gikulore ni tondegigo kendo giwang’onigi ubani ka giwacho niya, “Magi e nyiseche ma kelonwa mwandu, momiyo wadak maber.”

Rapar mar Chik 32:27

To naparo ni dipo ka wasigu ojara, ka gipakore ni gin ema gisetimo gigo duto, to ok an, Ruoth Nyasaye.’

Fweny 11:10

Ji duto modak e piny nogo siboi kuom thogi, kendo ginimire chiwo, nikech jonabi ariyogo nosebedo kasando joma odak e piny.

Jong’ad Bura 15:14

Kane Samson ochopo Lehi, jo-Filistia nogoyo koko gi mor, kadhi ire. To Much Ruoth Nyasaye nobiro kuome gi teko, mochodo tonde mane oyudo otuego bedene, mana ka gima ne gin omimi ma much mach ogoyo.

Jong’ad Bura 15:16

Bang’e nower niya, “Nanego ji gana achiel gi chok lemb kanyna, mi adhurogi tuche tuche gi chogono.”

Jong’ad Bura 15:8

Nogoyogi arudha, monegogi mang’eny. Eka nodhi modak e lwanda morokore man Etam.

Jong’ad Bura 16:25

Kane gisemetho, mi giromo, ne giwacho niya, “Kelnwauru Samson, mondo obi otugnwa.” Omiyo ne gigole e od tuech, motugonigi. Bang’e ne gimiyo ochung’ e kind sirni mag ot.

1 Samuel 31:9

Ne ging’ado wiye oko, kendo ne gikawo gige mag lweny. Eka ne gioro joote e piny jo-Filistia duto, mondo oter wach maberno ni nyisechegi kod jopinygi.