Jong’ad Bura 16:20 - MUMA MALER 2015

²⁰ Eka delila nokok niya, “Samson, jo-Filistia osebiro monji!” Mi Samson nochiew, ka paro ni obiro guecho kendo wuok kaka pile. To ne ok ong’eyo ni Ruoth Nyasaye oseweye.

Motingʼo Loko Manyien

²⁰ Eka noluonge niya, “Samson, jo-Filistia osebiro mondo omonji!” Kane ochiewo to ne owacho e chunye niya, “Abiro wuok kaka pile mondo abed thuolo.” To ne ok ongʼeyo ni Jehova Nyasaye noseweye.

Jong’ad Bura 16:20 ပူးပေါင်းရင်းမြစ်များ

2 Weche mag Ndalo 15:2

modhi romo gi Asa. Nowacho ni Asa gi jo-Juda kod jo-Benjamin niya, “Ruoth Nyasaye ni kodu, to mana ka pod un kode. Kudware, unuyude; to kuweye en bende noweu.

Isaya 42:24

En ng’a, mane ochiwo jo-Israel ma nyikwa Jakobo e lwet joyeko? Donge en Ruoth Nyasaye? Ne giketho e nyime, mi gitamore luwo yorene, kendo gidagi rito chikne.

Hosea 7:9

Winjruok ma gin-go gi jopinje mamokogo osemayogi teko, to ok ging’eyo. Bende ok ging’eyo ni wigi osetimo lwar.

Kwan 14:9

To kik uwe Ruoth Nyasaye, bende kik uluor jopinyno, nimar wabiro mwonyogi amwonya. Tipo ma nyocha ogeng’ogi osea, to wan, Ruoth Nyasaye ni kodwa, omiyo kik uluorgi.”

Mathayo 17:16

Nende akele ni jopuonjreni, to ne ok ginyal change.”

Mathayo 17:20

Yesu nodwokogi ni, “Nende ok unyal gole nikech un gi yie matin. Awachonu adier niya, Da bed ni un gi yie kata matin marom mana gi koth karadali, to duwachi ni godni ni, ‘Aye ka, dhi kucha’, mi dodhi. Bende onge gima ditamu timo. [

2 Jo-Korintho 3:5

Wan to waonge gi teko moro kuomwa wawegi mamiyo wawacho ni wanyalo timo gimoro, to gima wan-go a mana kuom Nyasaye,

Rapar mar Chik 32:30

Ere kaka ng’at achiel dilaw ji gana achiel, kata ji ariyo riemb ji gana apar, mak mana ka ok Ruoth Nyasaye ma Lwandagi ema oweyogi, moketogi e lwet wasikgi?

Joshua 7:12

Mano emomiyo ok ginyal siro wasikgi, to giringo nimar gin bende koro okwedgi. Ka ok giwang’o gimoro amora mokwer ma gisekawo, to ok anabed kodgi.

Jong’ad Bura 16:14

Bang’e Delila nohoye nyaka onindo. Eka nokawo orimba mag yie wiye abiriyo, mi okado motegno gi usi kamano. Eka nokok niya, “Samson, jo-Filistia osebiro monji!” Samson nochiew oa e nindo, moywayo usi kaachiel gi yie wiye, mopudhogo frembe chwecho.

Jong’ad Bura 16:19

Delila nohoyo Samson, mi Samson nonindo koteno wiye e chonge. Eka Delila noluongo ng’at moro molielo orimba yie wi Samson abiriyo. Bang’e Delila nochako tueyo Samson, mane oyudo tekone koro osea.

Jong’ad Bura 16:21

Jo-Filistia nomake, motoko wang’e oko. Bang’e ne gitere Gaza, mi gitueye kuno gi tarege mag mula, kendo ne gikete jareg cham e od tuech.

Jong’ad Bura 16:3

To Samson nonindo aninda nyaka dier otieno. Eka nochiew modhi omako thike mag ranga dala, gi sirni kargi ariyo. Nopudhogi kaachiel gi lodi mag dhorangach moterogi nyaka ewi got momanyore gi Hebron, koting’ogi e goke.

Jong’ad Bura 16:9

To noyudo nyakono osepando jomoko e ot moro maiye. Eka nokok niya, “Samson! Jo-Filistia osebiro monji!” Samson nochodo puyego mana ka omimi ma much mach ogoyo. Omiyo ne pod ok ong’eyo kuma tekone aye.

1 Samuel 16:14

To Roho mar Ruoth Nyasaye noseweyo Saulo, kendo muya marach moa kuom Ruoth Nyasaye ne chande.

1 Samuel 18:10

Kinyne muya marach moa kuom Nyasaye nobiro gi teko kuom Saulo, mi nodhumore e ode, kendo Daudi nogoyone thum, kaka nojatimo. To Saulo ne nigi tong’ e lwete,

1 Samuel 18:12

Noyudo ka Ruoth Nyasaye oseweyo Saulo, to koro ni kod Daudi, emomiyo Saulo noluoro Daudi.