Jong’ad Bura 16:17 - MUMA MALER 2015

¹⁷ Omiyo nohulone adiera, konyise niya, “Nyaka ne nywola mirich pok okayo wiya, nikech an ja-Nazir, ng’at mowal ni Nyasaye. Koliela, to tekona dirum, kendo anyalo bedo mana machalre gi ji mamoko.”

Motingʼo Loko Manyien

¹⁷ Omiyo nohulone gik moko duto kowachone niya, “Onge wembe mosekadho e wiya nikech asebedo ja-Nazir ma Nyasaye nowalo nyaka aa nywolna. Ka yie wiya oliel, to tekra biro rumo, kendo abiro bedo manyap machal gi ngʼato angʼata.”

Jong’ad Bura 16:17 ပူးပေါင်းရင်းမြစ်များ

Ngeche 12:23

Ng’at mariek ok hul riekone. Ng’at mofuwo to nyiso mana fupe.

Ngeche 13:3

Ng’at marito dhoge reso ngimane, to ng’at ma rodho wach arodha tiekore kende owuon.

Ngeche 29:12

Ruoth ma ohero chiko ite ni weche mihango, bedo mana gi jotich ma jomriambo.

Mika 7:5

Kik iyie gi weche wadu, kendo kik igen kuom osiepeni, to bende nyaka itang’ ni weche miwacho kata mana ni chiegi.

Kwan 6:2

ni mondo onyis jo-Israel niya, “Ng’ato ang’ata ma okuong’ore ni obiro bedo ja-Nazir, tiende ni ng’at mowal ni Ruoth Nyasaye,

Kwan 6:5

“E kindeno duto bende mirich ok noka wiye, to nowe yie wiye dongi, kendo nokadgi akada, nyaka ndalo mag kuong’ruok norum. Enoritre maler ni Ruoth Nyasaye.

Tich Joote 18:18

Bang’ wechego, Paulo nobet Korintho gi owete kuom ndalo mang’eny, eka nogoyonigi oriti, mi okwang’ odhi Siria ka gin gi Priskila kod Akula. Kane pok gikwang’ gidhi, ne oliel wiye Kenkrea, nikech kuong’ruok moro mane osekuong’orego.

Jong’ad Bura 13:5

nikech ibiro mako ich, kendo nywolo nyathi ma wuowi. Mirich kik ka wiye, nikech chakre chieng’ monywole, nobed ja-Nazir, ng’at mowal ni Nyasaye. En ema nokwong kedo gi jo-Filistia mondo ores jo-Israel e lwetgi.”

Jong’ad Bura 16:16

Nodudo ni Samson pilepile, nyaka Samson nojok modwaro mana dere.

Jong’ad Bura 16:18

Kane Delila oneno ni Samson osehulone adiera, nooro wach ni ruodhi mag jo-Filistia niya, “Duoguru kendo nikech koro osehulona adiera.” Mi ne gibiro gi pesa e lwetgi.