Jong’ad Bura 16:12 - MUMA MALER 2015

¹² Omiyo Delila nokawo tonde manyien, motueyego. Eka nokok niya, “Samson, jo-Filistia osebiro monji!” E sano noyudo ka jomoko osebuto e ot maiye. Samson nochodo tonde mane otuego bedene, mana ka gima gin tond otieng’.

Motingʼo Loko Manyien

¹² Omiyo Delila nokawo tonde manyien mi otweyego. Kane osepando jomoko ei ot kanyo, noluonge kowacho niya, “Samson, jo-Filistia osebiro monji!” To nochodo tondego mana ka gima gin usi.

Jong’ad Bura 16:12 ပူးပေါင်းရင်းမြစ်များ

Tich Joote 21:33

Jaduongno nodhi ir Paulo, mi omake, kendo ogolo chik mondo otweye gi nyoroche ariyo. Eka ne openjo ji ni, “En ng’a? To ang’o ma osetimo?”

Jong’ad Bura 15:14

Kane Samson ochopo Lehi, jo-Filistia nogoyo koko gi mor, kadhi ire. To Much Ruoth Nyasaye nobiro kuome gi teko, mochodo tonde mane oyudo otuego bedene, mana ka gima ne gin omimi ma much mach ogoyo.

Jong’ad Bura 16:11

Samson nodwoke niya, “Ka itueya gi tonde manyien ma pok otuechgo to anyalo bedo mana machalre gi ng’ato ang’ata.”

Jong’ad Bura 16:13

Delila nowachone niya, “Pod ichaya achaya, kimedo mana wuonda. Nyisa kaka ng’ato nyalo tueyi.” Samson nowachone niya, “Kikawo orimba yie wiya abiriyo, mi ikado gi usi manie fremb chuecho mondo obed machal gi nanga, to anyalo bedo machal mana gi ng’ato ang’ata.”