Jong’ad Bura 16:10 - MUMA MALER 2015

¹⁰ Delila nowacho ni Samson niya, “Aseneno kaka ichal kendo iwuonda. Koro yie inyisa malong’o kaka ditueyi.”

Motingʼo Loko Manyien

¹⁰ Eka Delila nowachone Samson niya, “Isekawa ngʼama ofuwo; ne iwuonda. Bi mondo koro inyisa kaka inyalo tweyi.”

Jong’ad Bura 16:10 ပူးပေါင်းရင်းမြစ်များ

Nehemia 6:4

Ne giluonga kamano nyading’wen, to e kinde ka kinde nadwokogi mana machalre.

Ngeche 24:28

Kik ibed janeno mar miriambo kuom wadu ka onge gima omiyo.

Ezekiel 33:31

Kuom mano joga chokore mondo owinj gima iwacho, to kata obedo ni iwachonigi gima onego gitim, to ok gitim. Miriambo ema gihero kendo pesa ema giketoe chunygi.

Luka 22:48

To Yesu nopenje niya, “Judas, indhogo Wuod Dhano mana gi nyoth koso?”

Jong’ad Bura 16:11

Samson nodwoke niya, “Ka itueya gi tonde manyien ma pok otuechgo to anyalo bedo mana machalre gi ng’ato ang’ata.”

Jong’ad Bura 16:13

Delila nowachone niya, “Pod ichaya achaya, kimedo mana wuonda. Nyisa kaka ng’ato nyalo tueyi.” Samson nowachone niya, “Kikawo orimba yie wiya abiriyo, mi ikado gi usi manie fremb chuecho mondo obed machal gi nanga, to anyalo bedo machal mana gi ng’ato ang’ata.”

Jong’ad Bura 16:7

Samson nodwoke niya, “Ka otueya, gi puye abiriiyo mag atung’ ma pok otwo, to anyalo bedo mana machalre gi ng’ato ang’ata.”

Jong’ad Bura 16:9

To noyudo nyakono osepando jomoko e ot moro maiye. Eka nokok niya, “Samson! Jo-Filistia osebiro monji!” Samson nochodo puyego mana ka omimi ma much mach ogoyo. Omiyo ne pod ok ong’eyo kuma tekone aye.