Jong’ad Bura 15:5 - MUMA MALER 2015

⁵ Nomoko menygo gi mach, mogonyo bwego mondo odhi e puothe jo-Filistia mag ngano. Kamano nowang’o ngano mane oseka, kaachiel gi mago mane pok oka. Puothe mag olembe bende nowang’.

Motingʼo Loko Manyien

⁵ bangʼe nomako mach e yiw kibwego mi oweyogi mondo gidonj e puothe mag jo-Filistia. Nowangʼo puothe moseka to gi mago mapodi, kaachiel gi puoth mzabibu kod puothe zeituni.

Jong’ad Bura 15:5 ပူးပေါင်းရင်းမြစ်များ

2 Samuel 14:30

Omiyo Absalom nowacho ni jotichne niya. “Donge ung’eyo puoth Joab mar cham, mokiewo gi puotha? Dhiuru uwang’e gi mach.” Mi ne gidhi mi giwang’o puodhono.

Wuok 22:6

“Ka mach omuoch, kendo olandore, momako yugi, kendo owang’o tuche mag cham mobeti, kata cham ma pok oka, kata mana puodho ngima, ng’at momoko majno nyaka chul kar gik mokethorego.

Wuok 23:11

To e higa mar abiriyo nyaka uwe onindi mak opure, mondo jou modhier ocham gik moloth kuno. To le mae thim nocham gik ma joma odhier oweyo kuno. Puotheu mag mzabibu, gi mag zeituni bende nyaka uwe kamano.

Jong’ad Bura 15:4

Omiyo nodhi momako bwe mia adek. Nokawogi ariyo ariyo, motueyo iwgi kanyakla, eka notueyo meny e iw ariyogo.

Jong’ad Bura 15:6

Bang’e jo-Filistia nopenjore niya, “En ng’a motimo kama?” Mi nowachnigi ni Samson ema osetimo kamano nikech jaduong’ne ma ja-Timna nosekawo chiege momiyo jal mane ochung’ne kokendo. Omiyo jo-Filistia nodhi mowang’o dhakono kaachiel gi dalagi.