Jong’ad Bura 15:19 - MUMA MALER 2015

¹⁹ Mi Nyasaye nobaro kama otimo bugo man Lehi, mi pi nowuok kanyo. Samson nomodho pigno, mi chunye oduogo. Mano emomiyo sokono nochak ni En-hakore, (tiende ni, soko ng’at maywak.) Sokono pod ni kuno nyaka chil kawuono.

Motingʼo Loko Manyien

¹⁹ Eka Nyasaye noyawo holo e Lehi, kendo pi nowuok kanyo. Kane Samson omodhe, tekone noduogo. Omiyo thidhiano nochako ni En Hakore, kendo pod entiere Lehi.

Jong’ad Bura 15:19 ပူးပေါင်းရင်းမြစ်များ

Chakruok 16:13

Hagar nowacho niya, “Bende en adier ni aseneno Nyasaye, to pod angima?” Omiyo noluongo Ruoth Nyasaye ma noyudo wuoyo kode ni El-roi, tiende ni, ‘Nyasaye ma neno.’

Chakruok 28:19

Nochako nying kanyo ni Bethel (tiende ni od Nyasaye.) To e kinde mokwongo dalano niluongo ni Huz.

Chakruok 30:30

Kane abiro, jambi ne nok, to koro gisemedore ahinya, kendo Ruoth Nyasaye oseguedhi e yoreni duto nikech an. Donge koro en kinde ma an bende onego apidhie jooda?”

Chakruok 45:27

To kane ginyise weche duto mane Josef osewachonigi, kendo ka noneno geche mane Josef oseoro mondo otere Misri, chunye noduogo.

Zaburi 110:7

Ruodhni nomodh e aora manie bath yo, omiyo enoting’ wiye nikech oselocho.

Zaburi 120:1

Kane an e chandruok, to ne aywak ni Ruoth Nyasaye, mi odwoka.

Zaburi 34:6

Joma ok nyal konyore kendgi ywakne mondo okony, kendo owinjogi. Ee, okonyogi e chandruok duto ma gin-go.

Zaburi 50:15

Luongauru e kinde ma unie chandruok, mi anaresu, kendo unumiya duong’.

Wuok 17:15

Musa nogero kendo-mar-misango, mi nochake ni Jehova-Nisi, (tiende ni, Ruoth Nyasaye e bandecha.)

Isaya 40:26

Ting’uru wengeu malo e polo, mondo upar ane ng’ama ne ochueyo gigo duto. Donge en mana Jal mane otelo ni oganda mar sulue, ka oluongo moro ka moro gi nyinge, mana ka gima en jaduong’ lweny motelo ni jolwenje? Tekone maduong’ malich omiyo onge kata mana sulue achiel ma ok ochung’ kare.

Isaya 40:29

En ema omiyo joma ool teko. Adier, omedo muya ni joma tekogi orumo.

Isaya 44:3

nikech abiro kelo koth mang’eny e lowo motwo mobaro okak. Bende abiro olo rohona kuom kothu, ka aguedhogi.

Kwan 20:11

Eka noting’o bade mogoyo lwandano diriyo gi ludhe. Pi nobubni mang’eny, mi oganda nomodho kaachiel gi jambgi.

Jong’ad Bura 15:9

Jo-Filistia nobiro mojot e piny Juda. Bang’e ne gimonjo dala moro miluongo ni Lehi.

1 Samuel 30:12

bende ne gimiye ng’owo mong’in, kod saga ariyo mag mzabibu motwo. Kosechiemo, chunye noduogo, nikech nosebedo ka ok oyud chiemo, kata pi modho kuom odiechienge adek gotieno adek.