Jong’ad Bura 15:11 - MUMA MALER 2015

¹¹ Kuom mano, jo-Juda alufu adek nolor modhi e lwanda morokore man Etam, mi giwacho ni Samson niya, “Donge ing’eyo ni wan e bwo loch jo-Filistia? Koro neye masira ma isekelo kuomwa.” En to nodwokogi niya, “Natimonigi mana kaka ne gitimona.”

Motingʼo Loko Manyien

¹¹ Eka ji alufu adek moa Juda nodhi e rogo mar lwanda man Etam ma giwachone Samson niya, “Bende ingʼeyo ni wan e bwo loch jo-Filistia? Ma angʼo ma isetimonwani?” Nodwoko niya, “Ne atimonegi mana gima gisetimona.”

Jong’ad Bura 15:11 ပူးပေါင်းရင်းမြစ်များ

1 Weche mag Ndalo 4:3

Yawuot Etam ne gin Jezreel gi Ishama kod Idbash. Ne gin gi nyamingi ma nyinge Hazelelponi.

Tim jo-Lawi 26:25

Anakel lweny kuomu mondo achulgo kuor kuom ketho singruok ma ne atimo kodu, kendo kata kuchokoru e miechu to anagou gi tuoche kendo wasiku nomaku.

Rapar mar Chik 28:13

Kurito chike mag Ruoth Nyasaye ma Nyasachu ma anyisou kawuono mondo urit matek,

Rapar mar Chik 28:43

Jopinje mamoko modak kuomu biro medo dongore molou, to un ubiro dok piny.

Jong’ad Bura 13:1

Timbe jo-Israel nochako odoko maricho e nyim Nyasaye, omiyo noketogi e lwet jo-Filistia kuom higni piero ang’wen.

Jong’ad Bura 14:4

Jonywolne ne ok ong’eyo ni Ruoth Nyasaye ema ne dwaro ni mondo gima kama otimre mondo oyudgo yo mokelogo ni jo-Filistia masira. E ndalogo jo-Israel ne ni e bwo loch jo-Filistia.

Jong’ad Bura 15:10

Jo-Juda nopenjogi niya, “Ang’o momiyo ubukowa?” Ne gidwokogi niya, “Wasebiro mondo watue Samson, kendo watimne mana kaka notimonwa.”

Jong’ad Bura 15:12

Ne giwachone niya, “Wasebiro mondo watueyi, kendo wachiwi e lwet jo-Filistia.” To Samson nowachonigi niya, “Kuong’renauru ni un uwegi ok ubi nega.”