Jong’ad Bura 14:6 - MUMA MALER 2015

⁶ To much Ruoth Nyasaye nolor kuom Samson ka diemo wang’ mi noyiecho sibuor gi lwete, mokidho matindotindo, mana ka ng’ama yiecho nyadiel, nikech ne en gi lwete nono. To ne ok onyiso jonywolne gima nosetimono.

Motingʼo Loko Manyien

⁶ Roho mar Jehova Nyasaye nobiro kuome giteko mane oyiecho sibuor koni gi koni gi lwete nono mana kaka onyalo yiecho nyadiel. To ne ok onyiso wuon mare kata min mare gima ne osetimo.

Jong’ad Bura 14:6 ပူးပေါင်းရင်းမြစ်များ

Zaburi 91:13

Ininyon sibuoche gi thuonde. Koda ka sibuoche mager kod thuonde malich man gi kwiri.

Isaya 42:2

Ok nokogi, kata nduru ok nogo, dwonde bende ok nowinji e yore.

Zekaria 4:6

Eka nowachona niya, “Ruoth Nyasaye wacho ni Zerubabel kama: ‘Gik moko matimore ok timre kuom teko kata kuom nyalo, to gitimore kuom Roho mara. An Ruoth Nyasaye Manyalo Gik Moko Duto ema awacho kamano.’

Mathayo 11:29

Rwakuru lodi ma amiyou e ng’utu, kendo puonjreuru kuoma, nikech chunya muol kendo dembore.

Jo-Hibrania 11:33

Yie ema ne omiyo giloyo pinje mamoko, kendo girito ji gi bura makare, mi giyudo ni Nyasaye ochopo singruokne.

1 Johana 3:8

To ng’at matimo richo en ng’at Satan, nikech Satan osiko katimo richo nyaka a chakruok. To Wuod Nyasaye nofwenyore mana ni mondo otiek Satan.

Jong’ad Bura 11:29

Much Ruoth Nyasaye nobiro kuom Jeftha, mi nowuotho e Gilead gi Manase, moduogo nyaka Mizpa e Gilead. Koa kanyo nodhi mondo omonj jo-Amon.

Jong’ad Bura 13:25

kendo Roho mar Ruoth Nyasaye nochako tiyo kode.

Jong’ad Bura 14:19

Eka Much Ruoth Nyasaye nolor kuom Samson gi teko, mi nodhi Ashkelon. Nonego ji piero adek kuno, mogonyo lepgi. Eka nokelo lewnigo momiyo joma ne ohulo tiend ngerono. Bang’e nodok dala, kokecho ahinya.

Jong’ad Bura 14:5

Chieng’ moro Samson ne lor dhi Timna gi jonywolne, to ka nochopo e puoth mzabibu man kanyo, nopo ka nyathi sibuor ochome ka ruto.

Jong’ad Bura 14:7

Bang’e nodhi mowuoyo gi nyakono, kendo noyudo ni ohere.

Jong’ad Bura 15:15

Eka noneno chok lemb kanyna ma pod numu, mokwanyo, mi onegogo ji alufu achiel.

Jong’ad Bura 15:8

Nogoyogi arudha, monegogi mang’eny. Eka nodhi modak e lwanda morokore man Etam.

Jong’ad Bura 16:30

Nodhiro sirnigo gi muche duto, kokok niya, “We atho gi jo-Filistiagi.” Mi ot noruombore piny kuom ruodhi gi ji duto mane ni e iye. Kamano ji mane Samson onego kotho, ne ng’eny moloyo mago mane onego ka pod ongima.

Jong’ad Bura 3:10

Much Ruoth Nyasaye nobiro kuome, mi nobedo jatend jo-Israel. Nodhi kedo gi Kushan-rishathaim ma ruodh Mesopotamia, mi noloyo, nikech Ruoth Nyasaye nochiwo ruodhno e lwete.

1 Samuel 10:16

Saulo nodwoke niya, “Nonyisowa ratiro kenje oseyudi.” To wach bedo ruoth mane Samuel owachone, to ne ok onyise.

1 Samuel 10:6

Much Ruoth Nyasaye nobi kuomi gi teko, mi inidhumri kaachiel kodgi, kendo inilokri ng’at moro machielo.

1 Samuel 11:6

Kane Saulo owinjo wachno, Much Nyasaye nobiro kuome gi teko, kendo mirima nomake ahinya.

1 Samuel 14:1

Chieng’ moro Jonathan wuod Saulo nowacho ni jating’ne gilweny niya, “Bi mondo waidh loka cha ir jolweny mag jo-Filistia.” To ne ok onyiso wuon mare wachno.

1 Samuel 17:46

Tinendeni Ruoth Nyasaye biro chiwi e lweta, mi abiro negi, kendo ang’ad wiyi oko. Ringri gi ringre jolweny mag jo-Filistia abiro weyo ni winy mae polo, kendo ni ondiegi mae thim, mondo piny duto ong’e ni nitie Nyasaye e Israel.