Jong’ad Bura 14:4 - MUMA MALER 2015

⁴ Jonywolne ne ok ong’eyo ni Ruoth Nyasaye ema ne dwaro ni mondo gima kama otimre mondo oyudgo yo mokelogo ni jo-Filistia masira. E ndalogo jo-Israel ne ni e bwo loch jo-Filistia.

Motingʼo Loko Manyien

⁴ Jonywolne ne ok ongʼeyo ni ma en dwaro Jehova Nyasaye, mondo omi giyud thuolo mar kedo gi jo-Filistia; nimar e kindeno jo-Israel ne ni e bwo lochgi.

Jong’ad Bura 14:4 ပူးပေါင်းရင်းမြစ်များ

1 Ruodhi 12:15

Kamano ruoth ne ok odewo ji. To Ruoth Nyasaye ema nomiyo gigo otimore kamano, mondo ochop singruok mane omiyo Ahija ja-Shilo owacho ni Jeroboam wuod Nebat.

1 Ruodhi 12:24

Ruoth Nyasaye owacho kama, ‘Kik udhi uked gi oweteu ma jo-Israel, to ng’ato ka ng’ato mondo odog dala, nikech gima timoreni oa kuoma.’ ” Ne giwinjo wach Ruoth Nyasaye, mi gidok miechgi kaka Ruoth Nyasaye nowacho.

2 Ruodhi 6:33

Kane pod owuoyo kodgi, ruoth nochopo, mowacho niya, “Masirani oa mana kuom Ruoth Nyasaye, omiyo onge tiende, medo rito Ruoth Nyasaye mondo okonywa!”

2 Weche mag Ndalo 10:15

Kamano ruoth ne ok odewo ji. To Nyasaye ema nomiyo gigo otimore kamano, mondo ochop singruokne mane omiyo Ahija ja-Shilo owacho ni Jeroboam wuod Nebat.

2 Weche mag Ndalo 22:7

To Nyasaye nosechano ni mondo Ahazia otho kodhi limo Joram, omiyo, kane Ahazia ni kuno, nowuok gi Joram mondo girom gi Jehu wuod Nimshi, mane Ruoth Nyasaye oyiero mondo otiek od Ahab.

2 Weche mag Ndalo 25:20

To Amazia ne ok odewo, nimar ne en dwaro Nyasaye mondo ochiw jo-Juda e lwet wasikgi, nikech ne gigeno kuom nyiseche jo-Edom.

Zaburi 115:3

Nyasachwa ni e polo malo, kendo otimo gimoro amora modwaro.

Daniel 6:4

Mano nomiyo jotelo mamoko kod jodongo otemo mondo ondhog Daniel e tichne mar rito piny. To ne ok ginyal yudo gimoro amora marach e tichne, nikech ne ne jaratiro maonge miganga.

Rapar mar Chik 28:48

Emomiyo unuti ni wasigu ma Ruoth Nyasaye biri oro mondo omonju. Kech nokau, kendo riyo nolou; unuwuoth duge, kendo nuchand gimoro amora. Ruoth Nyasaye noket jok mar nyinyo e ng’utu nyaka otieku.

Joshua 11:20

Ruoth Nyasaye nomiyogi chir mar kedo gi jo-Israel mondo jo-Israel oneggi maonge ng’wono, kendo otiekgi chuth, mana kaka Ruoth Nyasaye nosechiko Musa.

Jong’ad Bura 13:1

Timbe jo-Israel nochako odoko maricho e nyim Nyasaye, omiyo noketogi e lwet jo-Filistia kuom higni piero ang’wen.

Jong’ad Bura 14:5

Chieng’ moro Samson ne lor dhi Timna gi jonywolne, to ka nochopo e puoth mzabibu man kanyo, nopo ka nyathi sibuor ochome ka ruto.

Jong’ad Bura 15:11

Kuom mano, jo-Juda alufu adek nolor modhi e lwanda morokore man Etam, mi giwacho ni Samson niya, “Donge ing’eyo ni wan e bwo loch jo-Filistia? Koro neye masira ma isekelo kuomwa.” En to nodwokogi niya, “Natimonigi mana kaka ne gitimona.”

Jong’ad Bura 15:3

To Samson nodwoke niya, “Sani, kata koro atimo ni jo-Filistia marach, to aonge gi ketho.”