Jong’ad Bura 14:3 - MUMA MALER 2015

³ To jonywolne nodwoke niya, “Ang’o momiyo idwaro kendo nyar jo-Filistia ma ok oter nyangugi? Donge nitie nyako moro kuom nyi oweteni, kata kuom jowa?” To Samson nowacho ni wuon mare ni, “Nywomnago, nikech ahere.”

Motingʼo Loko Manyien

³ Wuon-gi gi min-gi nodwoke niya, “Donge nitiere nyako modimbore kuom wedeni kata kuom jowa duto? Ochuno ni nyaka idhi ir jo-Filistia ma ok oter nyangu mondo iyude dhako?” To Samson nowachone wuon-gi niya, “Miya gouru. En ema owinjore koda.”

Jong’ad Bura 14:3 ပူးပေါင်းရင်းမြစ်များ

Chakruok 13:8

Eka Abram nowacho ni Lut niya, “Wan wede; dhaw ok onego bed e kindwa kodi, kata e kind jokwadhi gi jokwadha.

Chakruok 21:27

Eka Ibrahim nomiyo Abimelek nyirombe gi dhok, mi ne gitimo winjruok.

Chakruok 34:14

Ne giwachonigi niya, “Ok wanyal yie mondo ng’ama ok oter nyangu mondo okend nyaminwa, nikech mano dibed wichkuot kuomwa.

2 Samuel 1:20

Kik ihul wachni e Gath. Kik igo milome mare e wang’yore mag Ashkelon, dipo ka mond Filistia obedo mamor. Ee, dipo ka nyi joma kia Nyasayego obedo moil.

Joshua 23:12

nikech ka udok chien, mutimo osiep kod ogendini ma pod odong’ e kindu, kendo ukendoru kodgi,

Jong’ad Bura 14:2

Ka nodok dala nonyiso wuon gi min niya, “Aseneno nyar Filistia moro Timna. Nyuomnagouru.”

Jong’ad Bura 15:18

Koro riyo noloyo Samson, omiyo noywak ni Ruoth Nyasaye niya, “Isemiya loch maduong’ni, to donge riyo biro nega, kendo jo-Filistia ma ok ong’eyigi biro maka?”

1 Samuel 14:6

Jonathan nowacho ni jating’ne gilweny niya, “Bi mondo waidh loka ir jolweny mag joma ok ter nyangugo. Dipo ka Ruoth Nyasaye okonyowa, nimar onge gima mono Ruoth Nyasaye resowa, kata ka wang’eny, kata ka wanok.”

1 Samuel 17:26

Daudi nopenjo joma nochung’ bute niya, “Ang’o ma ibiro timo ni ng’at ma nyalo nego ja-Filistia cha, kogolo wichkuot kuom jo-Israel? Ja-Filistia ma ok oter nyanguno en ng’a, ma dothian ni ogend Nyasaye mangima?”

1 Samuel 17:36

Asenego sibuoche gi ondiegi, omiyo ja-Filistia ma kia Nyasayeno bende biro tho mana ka ondiegigo, nikech othiano ni ogend Nyasaye mangima.”

1 Samuel 31:4

Saulo nowacho ni jating’ne gi lweny niya, “Wuodh liganglani, inegago, nono to joma kia Nyasayegi biro chwowa, kendo nyiera.” To jalo nodagi, nikech noluor ahinya. Emomiyo Saulo nomako liganglane owuon, mochwoworee.