Jong’ad Bura 14:18 - MUMA MALER 2015

¹⁸ Omiyo chieng’ mar abiriyono, kane Samson dwaro dhi nindo, jodala gi nyako nowachone niya, “En ang’o ma dibed mamit moloyo mor kich? Koso ang’o ma dibed ratego moloyo sibuor?” To Samson nodwokogi niya, “Ka dinende ok upuro gi nyarocha, to da ok ufwenyo tiend ngero magoyonu.”

Motingʼo Loko Manyien

¹⁸ Kane chiengʼ pod ok opodho e odiechiengʼ mar abiriyo, jo-dalano nowachone niya, “En angʼo mamit moloyo mor kich? En angʼo maratego moloyo sibuor?” Samson nowachonegi niya, “Kane ok upuro gi nyarocha, to dine ok uyudo tiend ngeroni.”

Jong’ad Bura 14:18 ပူးပေါင်းရင်းမြစ်များ

2 Samuel 1:23

Saulo gi Jonathan ne joma oher kendo joma beyo. Ne ok gipogore e ngimagi kata e thogi. E ng’uech, ne giyot kongo. Ne gin rateke moloyo sibuor.

Zaburi 81:16

Damiu mogo mayomie moloyo obed chiembu, kaachiel gi mor kich mothodhi e lwanda mondo ucham nyaka uyieng’.”

Ngeche 30:30

Mokwongo en sibuor. Oratego moloyo le duto, kendo onge gima oluoro.

Ezekiel 1:10

Moro ka moro ne nigi lela wenge ang’wen. Lela wang; ma nyime ne chalo gi lela wang dhano, to lela wang’ ma kor achwich ne chalo gi lela wang’ sibuor. To e bathe koracham ne nitie lela wang’ machalo gi mar rwath, to yoka ng’eye ne nitie moro machalo gi mar ongo.

Jong’ad Bura 14:17

To nosiko koywakne kuom wachno pilepile nyaka ndalo mag nyasi orumo. To chieng’ mar abiriyo mar nyasi, Samson nonyise tiend ngerono, nikech nojoge gi dudo kuom wachno. Bang’e nyakono nodhi monyiso jogi.

Jong’ad Bura 14:19

Eka Much Ruoth Nyasaye nolor kuom Samson gi teko, mi nodhi Ashkelon. Nonego ji piero adek kuno, mogonyo lepgi. Eka nokelo lewnigo momiyo joma ne ohulo tiend ngerono. Bang’e nodok dala, kokecho ahinya.