Jong’ad Bura 14:17 - MUMA MALER 2015

¹⁷ To nosiko koywakne kuom wachno pilepile nyaka ndalo mag nyasi orumo. To chieng’ mar abiriyo mar nyasi, Samson nonyise tiend ngerono, nikech nojoge gi dudo kuom wachno. Bang’e nyakono nodhi monyiso jogi.

Motingʼo Loko Manyien

¹⁷ Noywak odiechienge abiriyo duto mar nyasi. Omiyo e odiechiengʼ mar abiriyo nonyise, nikech nosiko mana kokase. Bangʼe nonyiso joge tiend ngerono.

Jong’ad Bura 14:17 ပူးပေါင်းရင်းမြစ်များ

Chakruok 3:6

Dhako noneno ni olemb yadhno ber chamo, kendo lombo wang’, mi noparo kaka onyalo miyo ng’ato doko mariek. Kuom mano, nopono olembe moko mochamo. Chwore bende nomiyo moko, mochamo.

Ayub 2:9

Eka chiege nopenje niya, “Pod iyie ayiea kuom Nyasachi? Ere gimomiyo ok inyal yanye mondo itho?”

Ngeche 7:21

Kamano dhakono ne oywayo wuowino gi wach mamit, mi odhi kode.

Jeremia 9:3

Lewni chalo gi atung’ moywa, kendo diro miriambo mana kaka atung’ diro asere, bende timbe miganga ema opong’o piny.” Ruoth Nyasaye owacho niya, “Joga timo richo kinde duto, kendo ok gidewa.

Mika 7:5

Kik iyie gi weche wadu, kendo kik igen kuom osiepeni, to bende nyaka itang’ ni weche miwacho kata mana ni chiegi.

Luka 11:8

To awachonu ni kata ka ng’atno ok oyie chung’ mondo omiye makati nikech wach mar osiepgi kode, to kinda ma jalo timo biro miyo ochung’, mi omiye gik moko duto modwaro!

Jong’ad Bura 14:16

Omiyo chi Samson nodhi ir chwore, kaywak, mowachone niya, “Kara ichaya, ok ihera! Inyalo goyo ni jowa ngero, to an to pok inyisa tiende?” Samson nodwoke niya, “Wachno pok anyiso wuora kata mama. In to danyisi wachno nadi?”

Jong’ad Bura 14:18

Omiyo chieng’ mar abiriyono, kane Samson dwaro dhi nindo, jodala gi nyako nowachone niya, “En ang’o ma dibed mamit moloyo mor kich? Koso ang’o ma dibed ratego moloyo sibuor?” To Samson nodwokogi niya, “Ka dinende ok upuro gi nyarocha, to da ok ufwenyo tiend ngero magoyonu.”

Jong’ad Bura 16:13

Delila nowachone niya, “Pod ichaya achaya, kimedo mana wuonda. Nyisa kaka ng’ato nyalo tueyi.” Samson nowachone niya, “Kikawo orimba yie wiya abiriyo, mi ikado gi usi manie fremb chuecho mondo obed machal gi nanga, to anyalo bedo machal mana gi ng’ato ang’ata.”

Jong’ad Bura 16:16

Nodudo ni Samson pilepile, nyaka Samson nojok modwaro mana dere.

Jong’ad Bura 16:6

Omiyo Delila nowacho ni Samson niya, “Yie inyisa kuma tekoni malichni aye. Ka ng’ato dwaro tueyi mondo omayi teko, onyalo timo ang’o?”