Jong’ad Bura 13:6 - MUMA MALER 2015

⁶ Dhakono nodhi mowacho ni chwore niya, “Ng’at Nyasaye nende obiro ira, to kite ne lich ahinya, machalo mana gi kit malaika mar Nyasaye. Ne ok apenje kuma oaye, to bende ne ok ohulona nyinge.

Motingʼo Loko Manyien

⁶ Eka dhakono nodhi ir chwore kendo owachone niya, “Ngʼat Nyasaye nobiro ira. Nochalo malaika mar Nyasaye, nolich ahinya. Ne ok apenje kuma ne oaye, kendo kata nyinge ne ok onyisa.

Jong’ad Bura 13:6 ပူးပေါင်းရင်းမြစ်များ

Chakruok 18:2

To kane oting’o wang’e nopo koneno ji adek mochung’ e nyime. Noringo kodhi romonigi, kendo nogoyo chonge piny, mokulore nyaka e lowo.

Chakruok 32:29

Jakobo nokwaye niya, “Yie inyisa nyingi.” To nopenje ni, “Ang’o momiyo ipenja nyinga?” Kata kamano noguedhe.

1 Ruodhi 17:18

Dhakono nopenjo Elija niya, “Yaye ng’at Nyasaye, in gang’o koda? Bironi osefwenyo richona koso, ma omiyo wuoda otho?”

1 Ruodhi 17:24

Dhakono nowacho ni Elija niya, “Kawuono eka ang’eyo ni in ng’at Nyasaye, kendo wach Ruoth Nyasaye mawuok e dhogi en adier.”

2 Ruodhi 4:16

Elisha nowachone niya, “Due makama, higa mabiro, inibed gi nyathi ma wuowi.” To dhakono nodwoke niya, “Ooyo, ruodha, kik iwuonda!”

2 Ruodhi 4:9

Mano omiyo dhakono nowacho ni chwore niya, “Aneno ni jal makadho ka pileni en ng’at Nyasaye.

Wuok 3:2

Malaika mar Nyasaye nofwenyorene kanyo e ligek mach maliel e chuny bungu moro. Musa norange, moneno ni bungu liel aliela to ok wang’,

Wuok 3:6

Eka nomedo wacho niya, “An Nyasach kwereni ma Nyasach Ibrahim gi Nyasach Isaka kod Nyasach Jakobo.” Mi Musa noumo wang’e, nikech noluoro ng’iyo wang’ Nyasaye.

Daniel 10:11

Ne owachona niya, “Daniel in ng’at ma Nyasaye ohero ahinya. A malo mondo ichik iti iwinj gima adwaro wacho, nimar oseora iri.” Kane osewachona kamano, ne aa malo ka pod denda kirni.

Daniel 10:5

Ne ating’o wang’a mi aneno ng’at morwako law maber, kendo otueyo okanda mar dhahabu.

Daniel 8:17

Omiyo Gabriel nobiro mochung’ buta, mi kihondko omaka, mapodho piny. Nowachona niya, “Wuod dhano, winji! Fweny mane inenono nyiso gik mabiro timore e ndalo giko.”

Luka 1:19

Malaika nodwoke ni, “An e Gabriel, mochung’ e nyim Nyasaye. En ema oseora mondo alos kodi, kendo anyisi wach maberni.

Luka 9:29

To kane oyudo olemo, lela wang’e nolokore, kendo lepe nodoko matar mang’ang’ni.

Tich Joote 6:15

Ji duto mane nie bura nochomo wang’gi tir kuom Stefano mi gineno ka lela wang’e chalo gi lela wang’ malaika.

Rapar mar Chik 33:1

Kane Musa ng’at Nyasaye chiegni tho, noguedho jo-Israel, kowacho kama:

1 Timotheo 6:11

To in ng’at Nyasaye, nyaka ibed mabor gi gigo duto, to dwar mondo ibed mana ng’ama kare, kendo moluoro Nyasaye, bende man gi yie kod hera, kendo motimo kinda, kendo mamuol.

Joshua 14:6

Jo-Juda nobiro ir Joshua Gilgal, mi Kaleb wuod Jefune ma ja Keniz nowachone niya, “Bende iparo gima ne Ruoth Nyasaye onyiso Musa jatich Nyasaye kuomi gi kuoma kane wan Kadesh-barnea?

Fweny 1:17

Kane anene to ne apodho e tiende ka ng’at mosetho. To noyieyo lwete ma korachwich kuoma, kowacho niya, “Kik iluor, an e Jal Mokwongo kendo Mogik,

Jong’ad Bura 13:10

Omiyo dhakono noringo piyo modhi onyiso chwore niya, “Ng’at ma nyocha obiro ira cha, oseduogo ira kendo.”

Jong’ad Bura 13:22

omiyo nowacho ni chiege niya, “Wabiro tho, nikech waseneno Nyasaye.”

Jong’ad Bura 13:3

Chieng’ moro malaika mar Nyasaye nofwenyore ni chiegeno, mowachone niya, “In dhako ma migumba ma onge nyathi, to ibiro mako ich, mi inywol nyathi ma wuowi.

Jong’ad Bura 13:7

Nowachona ni abiro mako ich, kendo nywolo nyathi ma wuowi, omiyo koro kik amadh divai, kata gimoro mamero ji, kata kik acham chiemo makuero, nikech nyathino biro bedo ja-Nazir, ng’at mowal ni Nyasaye, chakre chieng’ nywolne nyaka chieng’ thone.”

Jong’ad Bura 13:8

Bang’ winjo wechego, Manoa nokwayo Ruoth Nyasaye niya, “A Ruoth Nyasaye, yie mondo ng’at Nyasaye mane ioro cha odwog irwa, kendo onyiswa gima onego watim gi nyathi ma wabiro nywolono.”

Jong’ad Bura 6:11

Bang’ mano, malaika mar Ruoth Nyasaye nobiro, mobet piny e tiend yath moro man Ofra. Yadhno ne mar Joash ja-Abiezer. Noyudo ka Gideon wuod Joash dino cham e bur lwanda mar biyo mzabibu, mondo kik jo-Midian juke gi chamgo.

1 Samuel 2:27

Ng’at Nyasaye moro nobiro ir Eli, monyise niya, “Ruoth Nyasaye owacho kama: ‘Nafwenyora ni kwaru kane en gi joode Misri e tuech e od Farao.

1 Samuel 9:6

To jalo nowachone ni, “E dalani nitie ng’at Nyasaye marahuma. Weche duto mowacho timore adier. We wadhi kuno, dipo ka ofwenyonwa wach moro kuom wuodhwani.”