Jong’ad Bura 13:4 - MUMA MALER 2015

⁴ Omiyo koro kik imadh divai kata gimoro ma mero ji, kata kik icham chiemo makuero,

Motingʼo Loko Manyien

⁴ Koro kik imadh divai kata gimoro amora mamero ji kendo kik icham chiemo moro amora mogak,

Jong’ad Bura 13:4 ပူးပေါင်းရင်းမြစ်များ

Tim jo-Lawi 11:27

Bende unukuer le duto man gi tiende ang’wen, ma wuotho ka nyono piny gi i tiendegi kaka paka kata guok. Ng’at momulogi ka gisetho nobed mogak nyaka odhiambo.

Tim jo-Lawi 11:47

Chikego oket mondo opog gik makuero kod gik ma ok kuero, kendo opog gik mangima michamo kod mago ma ok cham.

Luka 1:15

nimar enobed ng’at maduong’ e nyim Ruoth Nyasaye. Ok nomadh kong’o kata gimoro amora ma mero ji, kendo chakre nywolne enobed kopong’ gi Roho Maler.

Tich Joote 10:14

To Petro nokwer ni, “Ngang’, Ruoth! Nyaka nene pok achamo gima ok ler kata makuero.”

Jong’ad Bura 13:13

To malaika mar Nyasaye nodwoko Manoa niya, “Chiegi nyaka ritre kuom gik moko duto ma asenyise.

Jong’ad Bura 13:14

Kik omadh divai kata gimoro amora mamero ji, kata mana chamo chiemo makuero kik ocham. Duto mane asenyise, ema mondo otim.”

Jong’ad Bura 13:7

Nowachona ni abiro mako ich, kendo nywolo nyathi ma wuowi, omiyo koro kik amadh divai, kata gimoro mamero ji, kata kik acham chiemo makuero, nikech nyathino biro bedo ja-Nazir, ng’at mowal ni Nyasaye, chakre chieng’ nywolne nyaka chieng’ thone.”