Jong’ad Bura 13:14 - MUMA MALER 2015

¹⁴ Kik omadh divai kata gimoro amora mamero ji, kata mana chamo chiemo makuero kik ocham. Duto mane asenyise, ema mondo otim.”

Motingʼo Loko Manyien

¹⁴ Ok onego ocham gimoro amora mowuok kuom mzabibu, kata madho divai moro amora kata madho gimoro amora mamero ji kata chamo chiemo moro amora mogak. Nyaka otim gik moko duto masechike.”

Jong’ad Bura 13:14 ပူးပေါင်းရင်းမြစ်များ

Jeremia 35:6

To ne gidwoke niya, “Ok wamadh divai nikech Jonadab wuod Rekab ma kwarwa nowachonwa ni wan kata nyikwawa kik wamadh divai nyaka chieng’.

Kwan 6:2

ni mondo onyis jo-Israel niya, “Ng’ato ang’ata ma okuong’ore ni obiro bedo ja-Nazir, tiende ni ng’at mowal ni Ruoth Nyasaye,

Kwan 6:4

E kinde duto ma okuong’ore ni obiro bedo ja-Nazirno, ok nomul gimoro amora moa kuom yadh mzabibu kata matin.

Mathayo 28:20

kendo kupuonjogi rito weche duto masenyisou. To winjuru! An kodu ndalo duto nyaka giko piny.”

Johana 15:14

Ka utimo gik ma achikou, to eka un osiepena.

Johana 2:5

Eka min mare nowacho ni jotich ni, “Timuru gimoro amora mowachonu.”

Rapar mar Chik 12:32

“Neuru ni urito gik moko duto machikou. Kik umedie gimoro, kata kik ugolie gimoro.

2 Jo-Thesalonika 3:4

To wan, Ruoth miyo wageno ni utimo gik moko duto ma wawachonu, kendo ni ubiro medo timo kamano.

Jong’ad Bura 13:4

Omiyo koro kik imadh divai kata gimoro ma mero ji, kata kik icham chiemo makuero,

Jong’ad Bura 13:7

Nowachona ni abiro mako ich, kendo nywolo nyathi ma wuowi, omiyo koro kik amadh divai, kata gimoro mamero ji, kata kik acham chiemo makuero, nikech nyathino biro bedo ja-Nazir, ng’at mowal ni Nyasaye, chakre chieng’ nywolne nyaka chieng’ thone.”