Jong’ad Bura 11:39 - MUMA MALER 2015

³⁹ Bang’ dueche ariyogo, nodwogo ir wuon mare, mi wuon notimone mana kaka nosekuong’ore. Notho nyako ngili ma pok ong’eyo chwo. Mano ema nobedo chakruok mar tim jo-Israel

Motingʼo Loko Manyien

³⁹ Bangʼ dweche ariyo, nodok ir wuon mare kendo wuon-gi notimo mana kaka nosesingore. Ne en nyako ngili. Kochakore e ndalono, jo-Israel noketo chik ni

Jong’ad Bura 11:39 ပူးပေါင်းရင်းမြစ်များ

2 Weche mag Ndalo 35:25

Jeremia bende nochuogo wend ywak ni Josia, kendo jower duto, machwo gi mamon, pod wero wendno nyaka chil kawuono. Gino oselokore tim jo-Israel kendo wendno ondik e Kitap Wende Ywak.

Isaya 66:3

“Ng’at moyang’o rwath chalre gi ng’at monego dhano. Ng’at motimo misango gi rombo, bende chalre gi ng’at moturo ng’ut guok, kendo ng’at mochiwo misango mar cham chalre gi ng’at mochiwo remb mbidhi, bende ng’at mowang’o ubani kar rapar chalre gi ng’at molamo nyiseche manono, kendo kaka chunygi mor gi timbe makuerogo,

Rapar mar Chik 12:31

Kik ulam Ruoth Nyasaye ma Nyasachu kaka gilamo nyisechegi, nikech Ruoth Nyasaye mon gi timbe makuero ma gilamogo nyisechegi, nimar gise kata mana wang’o ni nyisechegigo yawuotgi gi nyigi ka misango.

Jong’ad Bura 11:31

to ng’at ma nokwong wuok e dala moromo koda, ka aduogo bang’ loyo jo-Amon e lweny, nobed ng’at mowal ni Ruoth Nyasaye, kendo anachiwe ka misango miwang’o pep.”

Jong’ad Bura 11:38

Noyiene mondo odhi, mi nodhi kaachiel gi osiepene manyiri, moywago nyakone ewi gode kuom dueche ariyo.

Jong’ad Bura 11:40

ni nyigi nyaka dhi ywago nyar Jeftha ja-Gilead ndalo ang’wen higa ka higa.

1 Samuel 1:11

Nokuong’ore kowacho niya, “A Ruoth Nyasaye Manyalo Gik Moko Duto, ka inine chandruokna, kendo ipara an jatichni, ma ok wiyi owil koda, mi imiya nyathi ma wuowi, to anachiwnigo, mondo obed mari ndalo duto mag ngimane, kendo mirich ok noka wiye.”

1 Samuel 1:22

Hana to ne ok odhi, to nowacho ni chwore niya, “Ok nadhi nyaka nyathi we dhoth, eka natere e nyim Ruoth Nyasaye, mi nosik kuno.”

1 Samuel 1:24

Kane nyathi oseweyo dhoth, nodhi kode Shilo gi rwath ma hike adek, gi mogo ma dirom depe ariyo, gi divai e ndede mar pien, modonjo e od Ruoth Nyasaye.

1 Samuel 1:28

Emomiyo an bende achiwe ni Ruoth Nyasaye, mondo obed jatichne ndalo duto mag ngimane.”

1 Samuel 2:18

Samuel ne tiyo e nyim Ruoth Nyasaye ka pod en nyathi, korwakore gi nanga mar katana.