Jong’ad Bura 11:32 - MUMA MALER 2015

³² Kamano Jeftha nong’ado aora mondo odhi oked gi jo-Amon, mi Ruoth Nyasaye nochiwogi e lwete.

Motingʼo Loko Manyien

³² Eka Jeftha nowuok mondo odhi oked gi jo-Amon, kendo Jehova Nyasaye nochiwogi e lwete.

Jong’ad Bura 11:32 ပူးပေါင်းရင်းမြစ်များ

Jong’ad Bura 1:4

Jo-Juda nodhi momonjo jo Kanaan kod jo-Perizi modak kuno, kendo Ruoth Nyasaye nochiwogi e lwetgi, mi ne ginego ji alufu apar kuomgi e dala mar Bezek.

Jong’ad Bura 11:31

to ng’at ma nokwong wuok e dala moromo koda, ka aduogo bang’ loyo jo-Amon e lweny, nobed ng’at mowal ni Ruoth Nyasaye, kendo anachiwe ka misango miwang’o pep.”

Jong’ad Bura 11:33

Nonegogi oyokre, chakre aora Aroer nyaka Minith, kendo nyaka Abel-keramin, mokawo mier piero ariyo. Mano e kaka jo-Israel noloyo jo-Amon.

Jong’ad Bura 2:16

To Ruoth Nyasaye noketonigi jotelo moresogi e lwet joyekogo.

Jong’ad Bura 2:18

Kinde ka kinde mane Ruoth Nyasaye oketoe ni jo-Israel jatelo, nokonyo jatelono, kendo norito jo-Israel e lwet wasikgi kuom ndalo duto mane jatelono pod ngima. Ruoth Nyasaye ne kecho jo-Israel nikech ne giywak ka wasikgi sandogi kendo thirogi.

Jong’ad Bura 3:10

Much Ruoth Nyasaye nobiro kuome, mi nobedo jatend jo-Israel. Nodhi kedo gi Kushan-rishathaim ma ruodh Mesopotamia, mi noloyo, nikech Ruoth Nyasaye nochiwo ruodhno e lwete.