Jong’ad Bura 11:3 - MUMA MALER 2015

³ Mi Jeftha noringo oa kuom owetene, modhi odak e piny Tob. Kuno noyudoe jomoko ma acheje mi obedo jatendgi.

Motingʼo Loko Manyien

³ Omiyo Jeftha noringo moa ir owetene kendo nodhi odak e piny Tob, kama jodwar mangʼeny nochokore bute mi giluwe.

Jong’ad Bura 11:3 ပူးပေါင်းရင်းမြစ်များ

2 Samuel 10:6

Jo-Amon noneno ni gisemiyo Daudi ojok kodgi, omiyo ne giholo jolweny alufu piero ariyo kuom jo-Aram ma Beth-rehob, kod jo-Aram ma Zoba, kendo ne giwako ruoth Maaka kod joge alufu achiel kaachiel gi jo-Tob alufu apar gariyo.

2 Samuel 10:8

Jo-Amon nowuok, mi ne giriedo ni lweny e dhoranga dala, to jo-Aram ma Zoba, kod ma Rehob, kaachiel gi jo-Tob kod jo-Maaka nochanore e pap.

Tich Joote 17:5

To nyiego nomako jo-Yahudi, mi gidhi giwako jomoko ma acheje mabayo abaya e wang’ yore, mi ochoko oganda maduong’. Kamano ne gimiyo dala duto otimo koko, kendo ne gimuomore e od ng’at moro ma nyinge Jason, ka gidwaro golo Paulo gi Sila oko ir ji.

Jong’ad Bura 11:2

To Gilead ne nigi chiege hie, ma nonywolone yawuowi mogwarore, kendo kane yawuotego osedoko madongo ne giriembo Jeftha, ka giwachone niya, “In ok inyal chamo gikeni mag wuonwa, nikech ok in owadwa ma hie.”

Jong’ad Bura 9:4

Ne gimiye fedha piero abiriyo mogol e od Baal-berith ma nyasachgi, mong’iewogo jomoko ma acheje kendo ma jomahundu mondo oluwe.

1 Samuel 22:2

Bende ji duto mane nigi chandruok moro amora, kaka gowi kata ng’ur, nochokore ire, ma dirom mia ang’wen, mi odoko jatendgi.

1 Samuel 27:2

Omiyo Daudi nowuok gi ji mia auchiel mane ni kode, modhi ir Akish, wuod Maok, ruodh Gath,