Jong’ad Bura 11:27 - MUMA MALER 2015

²⁷ Wan pok wakethonu, to un koro utimonwa marach kuom kedo kodwa. Ruoth Nyasaye e jang’ad bura, kendo kawuono obiro ng’ado bura e kind jo-Israel gi jo-Amon.”

Motingʼo Loko Manyien

²⁷ Wan pok wakethonu, to un koro utimonwa marach kuom kedo kodwa. Mad uwe Jehova Nyasaye, ma jangʼad bura ongʼad burano odiechiengʼ ma kawuononi e kind jo-Israel gi jo-Amon.”

Jong’ad Bura 11:27 ပူးပေါင်းရင်းမြစ်များ

Chakruok 16:5

Eka Sarai nowacho ni Abram niya, “In ema imiyo Hagar jara! Namiyi jatichna, to ka noneno ni osemako ich, to ochako jara. Ruoth Nyasaye mondo ong’ad burani e kinda kodi.”

Chakruok 18:25

Adier, ok dineg jomaonge ketho kaachiel gi joma nigi ketho. Ok inyal timo kamano, nikech kapo ni itimo kamano, to jomaonge ketho diyud mana kum maromre gi joma nigi ketho. To mano ok nyalre, nikech Jang’ad Bura mar piny ngima nyaka ng’ad bura kare.”

Chakruok 31:53

Nyasach Ibrahim gi Nyasach Nahor nopog kindwa kodi kwatimo kamano.” Bang’e Jakobo nokuong’ore e nying Nyasaye mane Isaka wuon mare lamo.

2 Weche mag Ndalo 20:12

A Nyasachwa, donge ibiro kumogi? Wan waonge gi teko ma dwasirgo oganda maduong’ mabiro monjowani! Ok wang’eyo gima dwatim, to wageno mana kuomi.”

Ayub 23:7

An jaadiera, omiyo dadimb wach ni Nyasaye, kendo dowach ni aonge ketho chuth.

Ayub 9:15

Kata obedo ni aonge gi ketho, to onge gima anyalo timo, mak mana kwayo ng’wono kuom Nyasaye ma jang’adna bura.

Zaburi 50:6

Polo hulo ni Nyasaye en jaadiera, kendo ni en owuon e jang’ad bura.

Zaburi 7:11

En e jang’ad bura makare, kendo pile okwedo joricho.

Zaburi 75:7

to Nyasaye e jang’ad bura. Odwoko ji moko piny, to moko oting’o malo.

Zaburi 82:8

A Nyasaye, bi mondo irit piny gi adiera, nimar ogendini duto gin magi.

Zaburi 94:2

In e jang’ad bura ni ji duto. Koro a malo mondo imi josunga gima giromogo!

Zaburi 98:9

nimar obiro mondo orit piny. Adier, obiro rito ogendini duto mae piny gi bura makare kod adiera.

Eklesiastes 11:9

Un joma tindo, beduru mamor e ndalo ma pod utindo. Timuru gik moko duto mudwaro, kendo yuduru gik moko duto ma chunyu gombo. To kata kamano, nyaka ung’e ni Nyasaye noyalu kuom gik moko duto mutimo.

Eklesiastes 12:14

Nyasaye biro yalowa kuom gik moko duto ma watimo, kata mana gik motim ling’ling’, bed ni gibeyo kata giricho.

2 Jo-Korintho 11:11

Koso uparo ni ka awuoyo kamano, to mano nyiso ni ok aherou? Ngang’! Nyasaye ong’eyo ni aherou.

2 Jo-Korintho 5:10

nikech waduto nyaka wachung’ e nyim kom bura mar Kristo, mondo ng’ato ka ng’ato oyud pok moromo gi gik mabeyo kata maricho mane otimo kapod en e ringruok.

2 Timotheo 4:8

Koro gima okanna en mana osimbo mimiyo joma kare, ma Ruoth ma jang’ad bura makare biro miya chieng’ birone. To ok an kenda ema nomiya osimbo, to nomi koda ka ji duto morito birone gi chunygi duto.

Jo-Hibrania 12:23

En chokruok mar nyithind Nyasaye makayo, ma nyinggi ondiki e polo. Uchung’ e nyim Nyasaye ma Jang’ad Bura ni ji duto, kendo e nyim chuny joma beyo ma Nyasaye osemiyo odoko joma kare.

Jong’ad Bura 11:28

To ruodh jo-Amon ne ok odewo ote mane Jeftha oorone.

1 Samuel 2:10

Joma piem gi Ruoth Nyasaye notur matindotindo, komiyo polo mor kuomgi. Ruoth Nyasaye ng’ado bura e tung’ piny gi tung’ piny. Enomi ruoth moyiero duong’, kendo nomede teko.”

1 Samuel 24:12

Ruoth Nyasaye mondo ong’ad bura e kindwa kodi, kendo en ema onyalo chuloni kuor kuom gima isetimona. To an awuon to ok natimni marach.

1 Samuel 24:13

Kaka ngech joma chon wacho ni, ‘Richo wuok e chuny joma richo.’ To an ok natimni marach.

1 Samuel 24:15

Ruoth Nyasaye mondo ong’ad bura e kindwa kodi. En mondo oyalwa kodi, nikech ong’eyo ni obiro chwaka, kendo wacho ni aonge ketho.”

1 Samuel 24:16

Kane Daudi otieko nyiso Saulo wechegi, Saulo nopenje niya, “Daudi wuoda, mano dwondi koso?” Eka noywak matek,