Jong’ad Bura 11:26 - MUMA MALER 2015

²⁶ Jo-Israel osedak Heshbon gi Aroer gi mier matindo duto mokiewo kodgi, kaachiel gi mier man e bath aora Arnon kuom higni mia adek. En ang’o ma osebedo ka monou kawogi kuom hignigo duto?

Motingʼo Loko Manyien

²⁶ Kuom higni mia adek Israel nodak Heshbon, gi Aroer, gi alwora mar kuondego kod mier duto mokiewo gi aora Arnon. En angʼo ma nomonou kawogi e hignigo?

Jong’ad Bura 11:26 ပူးပေါင်းရင်းမြစ်များ

Jeremia 48:19

Un joma odak Aroer, chung’uru e dir yo kung’icho mondo upenj joma ringo gima osetimore.

Tich Joote 13:19

Eka notieko ogendini abiriyo mane oyudo odak e piny Kanaan, mi omiyo joge owuon pinyno.

Rapar mar Chik 2:24

“Eka Ruoth Nyasaye nodhi nyime, kowachone niya, ‘Wuothuru mondo ung’ad holo mar Arnon, nimar asechiwo Sihon ja-Amor ma ruodh Heshbon e lwetu kaachiel gi pinye. Koro donjuru e pinye mondo uked kode.

Rapar mar Chik 2:36

Onge dala mane nyalo sirowa, chakre Aroer e dho holo mar Arnon, kod dala man e holo hie, nyaka chop Gilead. Adier Ruoth Nyasaye ma Nyasachwa ema nochiwo gik moko duto e lwetwa.

Rapar mar Chik 3:2

To Ruoth Nyasaye nowachona niya, ‘Kik uluor Og, nimar asechiwe kaachiel gi joge kod pinye e lwetu. Timneuru mana kaka nutimo ni Sihon ruodh jo-Amor mane odak Heshbon.’

Rapar mar Chik 3:6

Dala ka dala ne wanegoe ji duto modakie, chwo gi mon kod nyithindo, mana kaka ne watimo ni miech Sihon ruodh Heshbon.

Joshua 11:18

Nokedo gi pinjego kuom ndalo mang’eny, nyaka nomako ruodhi maggi duto, monego.

Joshua 12:2

Ne ginego Sihon, ruodh jo-Amor ma nodak Heshbon. Pinye nochakore Aroer man but holo mar Arnon, koluwo holono. Piny Gilead konchiel nyaka aora Jabok motimo tong’ Amon bende

Joshua 12:5

Got Hermon gi Saleka kod Bashan duto mochopo e mbap Geshur gi Maakath kod Gilead komachielo nyaka mbap Sihon ruodh Heshbon ne nie pinye.

Joshua 13:10

kod mier duto mag Sihon ruodh jo-Amor ma nodak Heshbon, nyaka mbap jo-Amon.

Joshua 13:16

Pinygi nochakore Aroer man but holo mar aora Arnon, kod piny mopie manie bath holo konchiel, kendo noting’o piny pap duto nyaka Medeba,

Joshua 13:17

gi Heshbon kaachiel gi mier mokiewo kode duto, kod Dibon gi Beth-baal-meon

Joshua 23:1

Ruoth Nyasaye nomiyo jo-Israel kue e kindgi gi wasigu ma nolworogi kuom ndalo mang’eny nyaka koro Joshua nodoko moti.

Jong’ad Bura 10:8

Jogo nosando jo-Israel ma nodak loka Jordan e piny jo-Amon man Gilead kuom higni apar gaboro mothirogi.

Jong’ad Bura 3:11

Omiyo piny Israel nobet gi kue kuom higni piero ang’wen. Bang’e Othniel wuod Kenaz notho.

Jong’ad Bura 3:30

Kamano jo-Israel noloyo jo-Moab, mi pinyno nobedo gi kue kuom higni piero aboro.

Jong’ad Bura 5:31

“A Ruoth Nyasaye, wasiki duto mondo olal nono kamano, to ji duto moheri mondo orieny ka wang’chieng’ ma wuok gi tekone duto.” Bang’e piny Israel nobedo gi kue kuom higni piero ang’wen.

Jong’ad Bura 8:28

Kamano e kaka jo-Israel noloyo jo-Midian, mi jo-Midian koro ne ok nyal bwogogi. Omiyo piny nobet gi kue kuom higni piero ang’wen kane Gideon wuod Joash pod ngima.

Jong’ad Bura 9:22

Abimelek norito jo-Israel kuom higni adek.