Jong’ad Bura 11:2 - MUMA MALER 2015

² To Gilead ne nigi chiege hie, ma nonywolone yawuowi mogwarore, kendo kane yawuotego osedoko madongo ne giriembo Jeftha, ka giwachone niya, “In ok inyal chamo gikeni mag wuonwa, nikech ok in owadwa ma hie.”

Motingʼo Loko Manyien

² Chi Gilead mahie bende nonywolone yawuowi, kendo kane gisebedo madongo, ne giriembo Jeftha. Negiwachone niya, “Ok iniyud girkeni moro amora e dalawa ka, nikech in wuod dhako machielo.”

Jong’ad Bura 11:2 ပူးပေါင်းရင်းမြစ်များ

Chakruok 12:10

To kech maduong’ nowuok e pinyno, omiyo Abram nodhi nyaka Misri, mondo odag kuno mondi.

Chakruok 21:10

Omiyo nowacho ni Ibrahim niya, “Riemb dhako ma jatichnani gi wuode, nikech ok ayie mondo wuode ocham mwanduni kaachiel gi Isaka wuoda.”

Ngeche 2:16

Rieko noresi kuom dhako ma jamganga, ma temo ywayi gi weche mamit.

Ngeche 5:20

Wuoda, ere gima omiyo onego iher dhako moro nono? Koso ang’o momiyo chi ng’ato nono dilombi?

Ngeche 5:3

Chi ng’ato nono nyalo wacho weche mamit ka mor kich, kendo dhoge nyalo bedo mayom ka mo,

Jo-Galatia 4:30

To ere gima Muma wacho? Owacho niya, “Riemb dhako ma misumba gi wuode, nikech wuod dhako ma misumba ok nocham mwandu gi wuod dhako man thuolo.”

Rapar mar Chik 23:2

“Kimirwa kik donji e chokruok mar jo-Ruoth Nyasaye, nyaka nyikwaye mar apar.

Jong’ad Bura 11:1

Jeftha ja-Gilead ne jalweny mager. Ne en wuod Gilead, mane onywolo gi nyako ma jachode.

Jong’ad Bura 11:3

Mi Jeftha noringo oa kuom owetene, modhi odak e piny Tob. Kuno noyudoe jomoko ma acheje mi obedo jatendgi.