Jong’ad Bura 11:10 - MUMA MALER 2015

¹⁰ Jodong Gilead nodwoke niya, “Wakuong’re gi nying Ruoth Nyasaye ma janeno e kindwa kodi, ni wanatim mana gima iwacho.”

Motingʼo Loko Manyien

¹⁰ Jodong Gilead nodwoko niya, “Jehova Nyasaye obed janeno marwa; adier wabiro timo kaka iwachono.”

Jong’ad Bura 11:10 ပူးပေါင်းရင်းမြစ်များ

Chakruok 16:5

Eka Sarai nowacho ni Abram niya, “In ema imiyo Hagar jara! Namiyi jatichna, to ka noneno ni osemako ich, to ochako jara. Ruoth Nyasaye mondo ong’ad burani e kinda kodi.”

Chakruok 21:23

Omiyo koro kuong’rina gi nying Nyasaye ni ok nitimna gimoro marach kata ni nyithinda kata ni nyikwaya. Kaka asetimoni maber, e kaka in bende onego itimna maber, kendo ni piny ma koro idakie.”

Chakruok 31:50

Laban nomedo wacho niya, “Kapo ni ithago nyiga, kata ka ikendo mon moko ka onge janeno, to ng’e ni Nyasaye e janeno e kindwa kodi.”

Chakruok 31:53

Nyasach Ibrahim gi Nyasach Nahor nopog kindwa kodi kwatimo kamano.” Bang’e Jakobo nokuong’ore e nying Nyasaye mane Isaka wuon mare lamo.

Wuok 20:7

“Kik uluong nying Ruoth Nyasaye ma Nyasachu kayiem nono, nimar anakum ng’ato ka ng’ato mokonyore gi nyinga e yo ma ok ni kare.

Jeremia 29:23

Mano e gima biro timorenigi nikech ne gilokore joma ofuwo, ka giterore, kendo giwacho miriambo e nyinga, to ne ok amiyogi wach mondo gihul. Ang’eyo gima gisetimo, kendo asebedo janeno kuom timbegi. An Ruoth Nyasaye ema awacho kamano.’ ”

Jeremia 42:5

Eka ne giwachone niya, “Ruoth Nyasaye ma Nyasachwa mondo obed janeno makare kendo maradiera ka ok warito chik duto ma omiyi mondo watigo. Wakuong’ore ni wabiro timo gimoro amora ma Ruoth Nyasaye ma Nyasachi owachoni mondo inyiswa,

Mika 1:2

Winjuru un ogendini duto! Chikuru itu, un ji duto modak e piny! Ruoth Nyasaye nowuog e Hekalu maler, mondo onyis gik musetimo.

Zekaria 5:4

Ruoth Nyasaye Manyalo Gik Moko Duto wacho ni, ‘Anaor kuong’no e ut jokuo duto, kende e od ng’ato ang’ata makuong’ore gi miriambo e nyinga. Kuong’no nosik e udigo, mi tiekgi pep, koda ka yien gi kite mogergigo.’ ”

Malaki 3:5

Ruoth Nyasaye Manyalo Gik Moko Duto owacho niya, “Abiro ng’adonu bura, kendo bedo janeno kuomu piyo piyo, ka ayalo ajuoke gi joma terore gi joma kuong’ore kayiem gi joma wuondo jotichgi e yor misara, kod joma ok oluora, ma timo marach ni mond liete gi nyithi kiye kod jopinje mamoko modak kuomu.”

Jo-Rumi 1:9

To Nyasaye ma atiyone gi chunya duto ka alando Wach Maber man kuom Wuode, ong’eyo kaka aparou e lemona kinde duto.

2 Jo-Korintho 11:31

Nyasaye ma Wuon Ruoth Yesu ma ipako nyaka chieng’ ema ong’eyo ni ok ariambi.

Rapar mar Chik 1:16

E kinde nogo nachiko jong’ad bura mau niya: ‘Un ema onego uyal buche mag joweteu, kendo nyaka ung’ad bura kare e kind ng’ato gi wadgi, kata bed ni ng’atno en ja-Israel wadu, kata en jadak.

Jong’ad Bura 11:9

To Jeftha nowachonigi niya, “Kudwoka dala, mi akedo gi jo-Amon, mi Ruoth Nyasaye ochiwogi e lweta, to ng’euru ni nyaka abed ruodhu.”

1 Samuel 12:5

Samuel nowachonigi niya, “Tinende Ruoth Nyasaye obedo janeno kuomu, kendo ruoth moseyiero bende obedo janeno, ni pok amulo gimoro.” Mi ne gidwoke ni, “Ee, obedo janeno.”

1 Samuel 24:12

Ruoth Nyasaye mondo ong’ad bura e kindwa kodi, kendo en ema onyalo chuloni kuor kuom gima isetimona. To an awuon to ok natimni marach.