Jong’ad Bura 10:16 - MUMA MALER 2015

¹⁶ Kuom mano ne giwito nyisechegi manono, mi gilamo Ruoth Nyasaye. Eka Ruoth Nyasaye nokechogi kuom thagruokgi.

Motingʼo Loko Manyien

¹⁶ Eka ne giwito nyiseche manono kendo negitiyo ni Jehova Nyasaye. Eka Jehova Nyasaye nokecho jo-Israel kuom thagruokgi.

Jong’ad Bura 10:16 ပူးပေါင်းရင်းမြစ်များ

Chakruok 6:6

noparo ni kara ne ok owinjore ochue dhano, kendo kete e piny. Omiyo chunye nodoko malit ahinya,

2 Ruodhi 13:23

To Ruoth Nyasaye nong’wononigi, kendo nokechogi, koparo singruok mane otimo gi Ibrahim kendo gi Isaka kod Jakobo. Emomiyo ne ok otiekogi, kata witogi oko ne ok owitogi.

2 Weche mag Ndalo 15:8

Kane Asa owinjo weche mane Azaria wuod Oded okorone, notimo chir mogolo nyiseche mokwer e piny Juda gi Benjamin duto kod mier duto ma nokawo e piny gode mag Efraim. Noloso kendo-mar-misango mar Ruoth Nyasaye mane nie nyim agoch Od Ruoth Nyasaye.

2 Weche mag Ndalo 33:15

Nogolo nyiseche manono kaachiel gi kido mar nyasaye manono mane nie Od Ruoth Nyasaye, kendo nomuko kende-mag-liswa duto ma noseloso e god Hekalu kendo Jerusalem, mi nowitogi oko.

2 Weche mag Ndalo 7:14

to ka joga miluongo gi nyinga obolore ka lama kendo dwara, ka giweyo yoregi maricho, eka nawinj e polo, mi nawenigi richogi kendo nares pinygi.

Zaburi 73:21

Kane iya owang’, mi chunya odoko malit,

Isaya 63:9

Omiyo ne odoko jaresgi e chandruok duto. Onge jaote kata malaika moro mane oresogi, to mana en ema osebedo ka owarogi gi herane kod ng’wonone, koting’ogi nyaka nene.

Jeremia 31:20

To an Ruoth Nyasaye awacho kama: In Israel in e wuoda mahero moloyo. E sa asaya ma aluongoe nyingi, to apari gi hera. Chunya oheri, omiyo abiro kechi.

Hosea 11:8

“To ere kaka daweu, un jo-Israel? Koso ere kaka dajwang’u? Bende datieku adier, kaka ne atieko jo-Adma? Koso anyalo timonu kaka ne atimo ni jo-Zeboim? Ooyo, ok anyal timonu kamano, nikech aherou ahinya.

Hosea 14:8

Jo-Israel ok nochak olam nyiseche manono kata matin, omiyo anawinj lemogi, kendo naritgi. Anageng’gi mana ka yath ma tipone ng’ich, nimar an ema amiyogi guethgi duto.”

Mika 7:18

A Ruoth Nyasaye, onge Nyasaye moro maromo kodi. Iweyo ni jogi iwuon modong’ richogi, kendo ok ikechi nyaka chieng’, to iherowa gi hera mosiko.

Luka 15:20

“Kamano noa malo, mochako wuoth madok ka wuon mare. To kane pod en mabor gi dala, wuon mare nonene. Nokeche, mi oringo okwake, monyodhe.

Luka 19:41

Yesu nomedo chopo machiegni gi Jerusalem, kendo kane oneno dalano, ne oywage,

Johana 11:34

Eka nopenjo ni, “Uyike kanye?” Ne gidwoke ni, “Jaduong’, bi ine.”

Jo-Efeso 4:32

To beduru mang’won, ka ng’ato ka ng’ato kecho wadgi, kendo weyone richone, mana kaka Nyasaye oseweyonu kuom Kristo.

Rapar mar Chik 32:36

“Adier, ka Ruoth Nyasaye oneno ni joge ool, kendo ni onge kata ng’at achiel modong’ makonyogi, to obiro ng’adonigi bura maber, kendo obiro kechogi.

Jo-Hibrania 3:10

Mano emomiyo nakecho kod tieng’no, mi awacho niya, “Ndalo duto gitamore winjo chikena, kendo ok ging’eyo yorena,”

Jo-Hibrania 4:15

Wan gi Jadolo Maduong’ manyalo kecho nyawowa nikech noteme e yore duto ma wan bende itemowae, to ne ok otimo richo.

Joshua 24:23

To Joshua nomedo wachonigi niya, “Wituru nyiseche mag pinje mamoko, kendo keturu chunyu kuom Ruoth Nyasaye ma Nyasach Israel.”

Jong’ad Bura 2:18

Kinde ka kinde mane Ruoth Nyasaye oketoe ni jo-Israel jatelo, nokonyo jatelono, kendo norito jo-Israel e lwet wasikgi kuom ndalo duto mane jatelono pod ngima. Ruoth Nyasaye ne kecho jo-Israel nikech ne giywak ka wasikgi sandogi kendo thirogi.

1 Samuel 12:10

Ne giywak ni Ruoth Nyasaye ka giwacho niya, ‘Waseketho, nikech waseweyi, kendo waselamo Baal gi Ashtaroth, to koro mondo ireswa e lwet wasikwa, kendo wanatini.’

1 Samuel 7:3

Samuel nowacho ni jo-Israel duto niya, “Ka en adier ni uduogo ir Ruoth Nyasaye gi chunyu duto, to wituru nyiseche mag pinje mamoko, kod nyiseche mamon miluongo ni Ashtaroth. Chiwreuru ni Ruoth Nyasaye, kendo uti mana ni en kende, mi enoresu e lwet jo-Filistia.”

1 Samuel 7:4

Omiyo jo-Israel nowito Baal kod Ashtaroth, mi ne gitiyo ni Ruoth Nyasaye kende.