Jong’ad Bura 10:13 - MUMA MALER 2015

¹³ To kata kamano, bang’e nuchako uweya, mi udhi lamo nyiseche mamoko. Kuom mano, ok nachak aresu kendo.

Motingʼo Loko Manyien

¹³ To usejwangʼa mutiyone nyiseche mamoko, omiyo koro ok anachak aresu.

Jong’ad Bura 10:13 ပူးပေါင်းရင်းမြစ်များ

1 Weche mag Ndalo 28:9

“To in Solomon wuoda, par Nyasach wuoru, kendo ichiwri mondo itine gi chunyi duto, nimar Ruoth Nyasaye ng’iyo chuny ji duto, kendo ofwenyo paro mag dhano. Kidware, to iniyude, to kiweye, to enojwang’i nyaka chieng’.

2 Weche mag Ndalo 12:5

Eka Shemeya janabi nodhi ir Rehoboam gi jodong Juda mane oseringo odhi Jerusalem nikech biro mar Shishak. Nowachonigi niya, “Ruoth Nyasaye owacho kama: ‘Aweyou e lwet Shishak, nikech un bende useweya.’ ”

2 Weche mag Ndalo 15:2

modhi romo gi Asa. Nowacho ni Asa gi jo-Juda kod jo-Benjamin niya, “Ruoth Nyasaye ni kodu, to mana ka pod un kode. Kudware, unuyude; to kuweye en bende noweu.

2 Weche mag Ndalo 21:10

Mano e kaka jo-Edom notieko loch Juda e Edom nyaka chil kawuono. E ndalogo Libna bende nodagi bedo e bwo loch Jehoram, nimar noseweyo Ruoth Nyasaye ma Nyasach kwerene.

Jeremia 2:13

nikech joga osetimo richo tieng’ ariyo. Gisebaro, mi giweya, an soko mar pi maliw mamol, kendo gisekunyo yewni mabarore, ma ok nyal ting’o pi!

Jeremia 2:19

Timbeu uwegi maricho ema biro kelonu kum. Ee, timbe mane uweyago ema biro kelonu bura. Kamano ubiro ng’eyo ni weyo Ruoth Nyasaye ma Nyasachu, kendo chaye en gima lit kendo marach moloyo. An Ruoth Nyasaye ema awacho kamano.

Jona 2:8

Joma lamo nyiseche manono nyalo weyo gik ma gigeno kuomgi,

Rapar mar Chik 32:15

Kamano dhood Jakobo nochiemo, moyieng’. Adier, joka Jeshurun nodoko machwe, mogwecho. Ee, nubedo machwe ahinya, nikech nuchiemo mang’eny. Ne giweyo Nyasaye ma nochweyogi, ka gicharo Lwanda ma noresogi.

Jong’ad Bura 10:14

Dhiuru mondo uywag ni nyiseche museyierogo mondo oresu kuom thagruok momakou.”

Jong’ad Bura 2:12

Ne giweyo Ruoth Nyasaye ma Nyasach kweregi mane ogologi Misri, mi giluwo nyiseche mamoko mag ogendini mane gidakgo. Ne gilamo nyisechego, mi gimiyo Ruoth Nyasaye mirima.

Jong’ad Bura 2:19

To pile kane jatelo ma kamano osetho, ne gidok e timbe maricho moloyo mane kweregi timo, kendo ne giluwo nyiseche mamoko, ka gitiyonigi kendo gilamogi. Ne ok giweyo timbegi maricho, kata yoregi mag wich teko.