Jong’ad Bura 1:7 - MUMA MALER 2015

⁷ Eka Adoni-bezek nowacho niya, “Ruodhi piero abiriyo mong’ad lith luetegi mathuondi kod lith tiendegi mathuondi yande kwanyo mana ng’injo mag chiemo e bwo mesana. To koro Nyasaye osetimona mana kaka natimonigi.” Bang’e nokel Adoni-bezek Jerusalem, motho kuno.

Motingʼo Loko Manyien

⁷ Eka Adoni-Bezek nowacho niya, “Ruodhi piero abiriyo ma lith lwetegi mathuon kod lith tiendegi mathuon osengʼad oko osebedo ka chamo ngʼinjo e bwo mesana. Koro Nyasaye osechula kuom gigo mane atimonegi.” Negikele Jerusalem, kendo notho kanyo.

Jong’ad Bura 1:7 ပူးပေါင်းရင်းမြစ်များ

1 Ruodhi 21:19

To wachne ni Ruoth Nyasaye owacho kama: ‘Kara iseneko kendo yeko?’ Eka imed nyise ni Ruoth Nyasaye owacho niya, ‘Kama nyocha guogi onang’oe remb Naboth, ema nonang’ie mari bende!’ ”

Wuok 29:20

Eka iyange, kendo ikaw rembe moko mondo imien e it Harun makorachwich kod it yawuote ma korachwich kod lith luetegi mathwon makorachwich kod lith tiendegi mathwon bende. To remo modong’, ipuk e kor kendo mar-mar-misango koni gi koni.

Isaya 33:1

Yaye unune malit un jo-Asuria! Useketho gik moko, to un pok okethu. Bende usendhogo ji, to un pok ondhogu. To koro ka usetieko ketho gik moko, to un ema ibiro kethu, kendo ka utieko ndhogo ji, to un ema ibiro ndhogu.

Zefania 3:19

Winjuru! Ka kindeno ochopo, to anakum joma thirou. Anakony rang’onde, kendo anachok joma oke, mi alok wichkuot mane joga nigo obed pak gi huma e piny ngima.

Jo-Rumi 2:15

Mano nyiso ni gima Chik dwaro ondiki e chunygi. Parogi bende nyiso ni mano en adier, nikech seche moko parogi nyisogi ni giseketho, to seche moko parogi onyisogi ni gionge bura.

Jakobo 2:13

Jang’ad bura ok nokech ng’at ma ok kech ji. Ng’at ma kecho ji to onge gima oluoro kuom jang’ad bura.

Fweny 13:10

Ng’at ma onego tue nyaka tue, kendo ng’at monego negi e lweny, to nyaka negi e lweny, ma e kinde ma jo-Nyasaye nyaka timie kinda kendo nyaka bedie motegno.

Fweny 16:6

nikech joma nochuero remb jo-Nyasaye kod jonabi isemiyo remo mondo omadhi!”

Jong’ad Bura 1:6

Adoni-bezek noringo, to ne gilawe, mi gimake. Ne ging’ado lith luetene mathwon kod lith tiendene mathwon.

Jong’ad Bura 9:24

Mano notimore ni mondo nek marach mar yawuot Jerubaal piero abiriyo ochul ewi Abemelek owadgi ma nonegogi, kendo ewi jo-Shekem ma nokonye negogi.

Jong’ad Bura 9:57

To bende Nyasaye nochulo kuor ni jo-Shekem kuom richogi, mana kaka Jotham wuod Jerubaal nonyisogi chieng’ mane okuong’ogi.

1 Samuel 15:33

To Samuel nowachone niya, “Kaka liganglani osenego nyithind mon, e kaka meru bende nobed achiel kuom mon ma nyithindgi onegi!” Eka Samuel nonego Agag achanya achanya Gilgal e nyim Ruoth Nyasaye.