Jong’ad Bura 1:4 - MUMA MALER 2015

⁴ Jo-Juda nodhi momonjo jo Kanaan kod jo-Perizi modak kuno, kendo Ruoth Nyasaye nochiwogi e lwetgi, mi ne ginego ji alufu apar kuomgi e dala mar Bezek.

Motingʼo Loko Manyien

⁴ Kane jo-Juda omonjogi, Jehova Nyasaye nochiwo jo-Kanaan kod jo-Perizi e lwetgi kendo neginego ji alufu apar Bezek.

Jong’ad Bura 1:4 ပူးပေါင်းရင်းမြစ်များ

1 Ruodhi 22:15

Kane Mikaya ochopo e nyim ruoth, ruoth nopenje niya, “Koso wawe?” Nodwoke niya, “Dhi mondo ilo! Ruoth Nyasaye biro chiwe e lweti.”

1 Ruodhi 22:6

Omiyo ruodh Israel nochoko jonabi ma dirom mia ang’wen, mopenjogi niya, “Adhi aked gi jo-Ramoth-gilead, koso awe?” Ne gidwoke niya, “Dhiyo, nikech Ruoth Nyasaye biro miyi dalano.”

Zaburi 44:2

Ne ginyisowa kaka in iwuon ne iketogi e pinywani to iriembo ogendini mane ok ong’eyi, kendo kaka ne ikumo ogendini mamokogo, to imiyo jogi iwuon odak maber.

Zaburi 78:55

Noriembo joma ne odak e pinyno, mondo oyaw ni joge thuolo, eka ne opoge ni dhout Israel, mi omiyo gidak e miechgi.

Rapar mar Chik 7:2

Kosechiwogi e lwetu kamano, muloyogi to nyaka uneggi duto. Kik utim kodgi winjruok, to bende kik uwe mak utiekogi,

Rapar mar Chik 9:3

To ubiro ng’eyo kawuono ni Ruoth Nyasaye ma Nyasachu ema otelonu kachalo mach matieko gik mowang’o. Obiro tiekogi en owuon, kendo obiro loyonugi. Kuom mano, ubiro riembogi kendo tiekogi piyopiyo, mana kaka Ruoth Nyasaye nosingorenu.

Jong’ad Bura 1:3

Juda nowacho ni jo-Simeon ma owetegi niya, “Biuru, wadhi e piny mopognwa, mondo wamonj jo-Kanaan. Eka wan bende wanadhi kodu e piny mopognu, wakonyu kedo.” Kamano jo Simeon nodhi kodgi.

Jong’ad Bura 1:5

Ne giyudo Adoni-bezek kuno, kendo ne gikedo kode, mi giloyo jo-Kanaan gi jo-Perizi.

Jong’ad Bura 11:32

Kamano Jeftha nong’ado aora mondo odhi oked gi jo-Amon, mi Ruoth Nyasaye nochiwogi e lwete.

Jong’ad Bura 3:5

Omiyo jo-Israel nodak e kind jo-Kanaan gi jo-Hiti gi jo-Amon gi jo Perizi gi jo-Hivi kod jo-Jebus.

1 Samuel 11:8

Saulo nochanogi Bezek, moyudo ni jo-Israel oromo ji alufu mia adek, to jo-Juda alufu piero adek.

1 Samuel 14:10

To ka giwacho ni wadhi irgi, eka wanadhi, kwang’eyo ni Ruoth Nyasaye osechiwogi e lwetwa. Mano ema nobednwa ranyisi.”

1 Samuel 14:6

Jonathan nowacho ni jating’ne gilweny niya, “Bi mondo waidh loka ir jolweny mag joma ok ter nyangugo. Dipo ka Ruoth Nyasaye okonyowa, nimar onge gima mono Ruoth Nyasaye resowa, kata ka wang’eny, kata ka wanok.”