Jong’ad Bura 1:27 - MUMA MALER 2015

²⁷ Jo-Manase bende ne ok oriembo joma nodak Beth-shean, kata joma nodak Dor gi Ibleam kod Megido, gi mier matindo ma nokiewo kodgi. To jo-Kanaan nosiko mana kodak e pinyno.

Motingʼo Loko Manyien

²⁷ To Manase ne ok oriembo jo-Beth Shan kata Tanak kata Dor kata Ibleam kata Megido kod alwora mar kuonde dak-gi, nimar jo-Kanaan noramo ni nyaka gidag e pinyno.

Jong’ad Bura 1:27 ပူးပေါင်းရင်းမြစ်များ

1 Ruodhi 9:21

Solomon noloko wasumbni mochuno mondo oti gi thwon, kaka obet nyaka chil kawuono. Ne gin joma notamo jo-Israel tieko chuth.

2 Ruodhi 23:29

E ndalo Josia ema ne Farao-neko, ruodh Misri, odhi kedoe gi ruodh Asuria e dho aora Yufrate. Ruoth Josia nodhi Megido kedo kode, to kane girado, Farao nonege.

2 Ruodhi 9:27

Kane Ahazia ruodh Juda oneno gima otimore, noringo kochomo Beth-hagan. Jehu nolawe, kawacho niya, “En bende negeuru!” Mi ne gichwowe ka geche idho got Gur, machiegni gi Ibleam. Noringo nyaka Megido, motho kuro.

Wuok 23:32

Kik utim kodgi winjruok kendo kik ulam nyisechegi,

Jeremia 48:10

(Okuong’ ng’at ma ok otiyo tich Ruoth Nyasaye gi chunye duto! Bende okuong’ ng’at ma ok oneko gi liganglane.)

Rapar mar Chik 7:2

Kosechiwogi e lwetu kamano, muloyogi to nyaka uneggi duto. Kik utim kodgi winjruok, to bende kik uwe mak utiekogi,

Joshua 21:25

To e piny jo-Manase konchiel nomigie Taanak kod Ibleam.

Jong’ad Bura 1:1

Bang’ tho Joshua, jo-Israel nopenjo Ruoth Nyasaye wach niya, “Ere dhoot monego kuong dhi monjo jo-Kanaan?”

Jong’ad Bura 1:21

To jo-Benjamin ne ok oriembo jo-Jebus modak Jerusalem, omiyo jo-Jebus osebet kodak kodgi kuno nyaka chil kawuono.

Jong’ad Bura 1:26

Bang’ mano ng’atno nodhi e piny jo-Hiti, mogero dala kuno, kendo nochako ni Luz. Pod iluongo dalano ni Luz nyaka chil kawuono.

Jong’ad Bura 1:28

Achien kane jo-Israel osedoko motegno, ne giloko jo-Kanaan-go wasumbgi, to ne ok giriembogi chuth.

Jong’ad Bura 5:19

Ruodhi nobiro mokedo Taanak, but aora mar Megido. Ee, ruodhi mag Kanaan nokedo, to ne ok giyako fedha.

1 Samuel 15:9

Saulo gi joge noweyo Agag kangima, to bende ne ok giketho rombe gi dhok machwe gi nyirombe kod gik moko mabeyo. To gik moko maricho, ma onge ohala, ema ne giketho chuth.

1 Samuel 31:10

Ne giketo gik Saulo mag lweny e od nyisechegi mamon, miluongo ni Ashtaroth, kendo ne gitueyo ringre e kor ohinga mar Bethshan.