Jong’ad Bura 1:26 - MUMA MALER 2015

²⁶ Bang’ mano ng’atno nodhi e piny jo-Hiti, mogero dala kuno, kendo nochako ni Luz. Pod iluongo dalano ni Luz nyaka chil kawuono.

Motingʼo Loko Manyien

²⁶ Eka nodhi e piny jo-Hiti, kama nogeroe dala maduongʼ mi ochake ni Luz, ma mano e nyinge nyaka chil kawuono.

Jong’ad Bura 1:26 ပူးပေါင်းရင်းမြစ်များ

2 Ruodhi 7:6

nimar Ruoth Nyasaye nosemiyo oganda jo-Aram owinjo koko mar geche gi farese, machalo oganda maduong’, mi giwacho kendgi niya, “Winjuru! Ruodh Israel osewako ruodhi mag jo-Hiti gi mag jo-Misri mondo obi oked kodwa.”

2 Weche mag Ndalo 1:17

gari achiel ne ging’iewo Misri gi kilo abiriyo mag fedha, to faras achiel gi kilo ariyo. Johalago ne terogi ne ruodhi mag jo-Hiti gi mag jo-Aram.

Jong’ad Bura 1:25

Nonyisogi yo midonjogo e dala, mi ne ginego ji duto mane odak kuno, mak mana ng’atno gi joode ema ne giweyo.

Jong’ad Bura 1:27

Jo-Manase bende ne ok oriembo joma nodak Beth-shean, kata joma nodak Dor gi Ibleam kod Megido, gi mier matindo ma nokiewo kodgi. To jo-Kanaan nosiko mana kodak e pinyno.