Jong’ad Bura 1:21 - MUMA MALER 2015

²¹ To jo-Benjamin ne ok oriembo jo-Jebus modak Jerusalem, omiyo jo-Jebus osebet kodak kodgi kuno nyaka chil kawuono.

Motingʼo Loko Manyien

²¹ Jo-Benjamin, kata kamano, ne ok nyal loyo jo-Jebus, mane odak Jerusalem; nyaka kawuononi jo-Jebus pod odak kanyo gi jo-Benjamin.

Jong’ad Bura 1:21 ပူးပေါင်းရင်းမြစ်များ

1 Ruodhi 9:21

Solomon noloko wasumbni mochuno mondo oti gi thwon, kaka obet nyaka chil kawuono. Ne gin joma notamo jo-Israel tieko chuth.

1 Weche mag Ndalo 1:14

Nyikwaye ne gin jo-Jebus gi jo-Amor gi jo-Girgash

1 Weche mag Ndalo 11:4

Bang’e Daudi gi jo-Israel duto nodhi Jerusalem, mane iluongo ni Jebus kuma ne jo-Jebus odakie.

1 Weche mag Ndalo 8:28

Mago e kar romb jodong dhoudi ma nodak Jerusalem.

2 Weche mag Ndalo 8:8

Solomon noloko wasumbni michuno mondo oti gi thwon, kaka obet nyaka chil kawuono. Ne gin joma notamo jo-Israel tieko.

Zaburi 106:34

Ruoth Nyasaye nosechikogi mondo gineg ogendini mokiewo kodgi,

Joshua 15:63

Jo-Juda ne ok nyal riembo jo-Jebus ma nodak Jerusalem, omiyo pod gidak kodgi kuno, nyaka chil kawuono.

Jong’ad Bura 1:22

Joka Josef nodhi momonjo Bethel, dala ma chon niluongo ni Luz, kendo Ruoth Nyasaye ne ni kodgi.

Jong’ad Bura 1:27

Jo-Manase bende ne ok oriembo joma nodak Beth-shean, kata joma nodak Dor gi Ibleam kod Megido, gi mier matindo ma nokiewo kodgi. To jo-Kanaan nosiko mana kodak e pinyno.

Jong’ad Bura 1:8

Jo-Juda nomonjo Jerusalem, mokawo. Ne ginego joma odakie, mi giwang’o dalano gi mach.