Jong’ad Bura 1:2 - MUMA MALER 2015

² Ruoth Nyasaye nodwokogi ni, “Dhood Juda ema mondo okwongi. Ero, achiwo pinyno e lwetgi.”

Motingʼo Loko Manyien

² Jehova Nyasaye nodwoko niya, “Dhood Juda ema biro dhi mokwongo; nimar asechiwo pinyno e lwetgi.”

Jong’ad Bura 1:2 ပူးပေါင်းရင်းမြစ်များ

Kwan 2:3

Koro magi e dhoudi ma nogur hembegi yo wuok chieng, e nyim Hemb Romo: Jo-Juda nobed e bwo bandech kambigi, kochan e ogendgi mag lweny. Jatendgi en Nashon wuod Aminadab.

Kwan 7:12

Chieng’ mokwongo Nashon wuod Aminadab ma ja-Juda ema nokelo chiwo mare.

Jo-Hibrania 7:14

Ong’ere malong’o ni Ruodhwa noa e dhood Juda. To kane Musa owuoyo kuom tich jodolo ne ok omulo nying dhood Juda.

Joshua 2:24

Ne ginyise weche duto ma notimorenigi, ka gimedo nyise niya, “Ruoth Nyasaye osemiyowa pinyno duto, kendo kibaji osemako ji duto, ka giwinjo birowa.”

Fweny 5:5

To ng’at achiel kuom jodongogo nokona niya, “We ywak, nikech Sibuor moa e dhood Juda, ma nyakwar Daudi, ema oselocho! Emomiyo en gi ratiro mar ketho kido abiriyogo, mi oel kitabuno.”

Jong’ad Bura 1:3

Juda nowacho ni jo-Simeon ma owetegi niya, “Biuru, wadhi e piny mopognwa, mondo wamonj jo-Kanaan. Eka wan bende wanadhi kodu e piny mopognu, wakonyu kedo.” Kamano jo Simeon nodhi kodgi.

Jong’ad Bura 20:18

Jo-Israel nowuok modhi Bethel, mi gipenjo Nyasaye wach niya, “Ere dhoot monego kuong dhi monjo jo-Benjamin?” Ruoth Nyasaye nodwoko ni, “Dhood Juda ema mondo okuong monjogi.”

Jong’ad Bura 20:28

kendo Finehas wuod Eleazar ma wuod Harun ne e jadolo e nyim Ruoth Nyasaye. Jo-Israel nopenjo Nyasaye niya, “Wadog mondo waked gi owetewa ma jo-Benjamin, koso wawe?” Ruoth Nyasaye nodwoko niya, “Monjgiuru, kendo kiny nachiwgi e lwetu.”