Jong’ad Bura 1:15 - MUMA MALER 2015

¹⁵ Nodwoke niya, “Kaka iseketa e piny milambo motwoni, yie imiya sokni.” Kuom mano Kaleb nomiye sokni mamalo gi mamwalo.

Motingʼo Loko Manyien

¹⁵ Nodwoko niya, “Timna ngʼwono makende. Nimar isemiya puodho man Negev, miya bende thidhna mar pi.” Omiyo Kaleb nomiye thidhna ma malo kod mamwalo.

Jong’ad Bura 1:15 ပူးပေါင်းရင်းမြစ်များ

Chakruok 33:11

Omiyo yie ikaw chiwo ma asekeloni, nimar Nyasaye oseguedha mi ayudo gik moko duto madwaro.” Kamano nochune nyaka nokawo michgo.

2 Jo-Korintho 9:5

Mano emomiyo aseneno ni ber mondo aor owetego obi iru mokwongo, olos chon chiwo mane usesingoru ni ubiro golo. Kamano ka abiro to anayud ka oikore, kendo mano nonyis ni uchiwe maonge achune.

Jo-Hibrania 6:7

Nyasaye guedho lowo mamwonyo pi koth ma chuene pile, kendo manyago cham makonyo joma pure.

Joshua 15:19

Nodwoke niya, “Kaka iseketa e piny milambo motwoni, yie imiya sokni.” Kuom mano Kaleb nomiye sokni mamalo gi mamwalo.

1 Petro 3:9

Kik uchul richo kar richo, kata ayany kar ayany. Kar timo kamano, to guedhuru aguedha, kung’eyo ni kane Nyasaye oluongou, to noluongou ni mondo uyud gueth,

Jong’ad Bura 1:14

Kane Aksa odhi ir chwore, chwore nojiwe mondo okwa wuon mare lowo, mi Aksa noidho kanje modhi ir Kaleb, kendo kane oselor e kanje, Kaleb nopenje gima odwaro.

Jong’ad Bura 1:16

Nyikwa ja-Keni ma jaduong’ Musa ne jowuok kaachiel gi jo-Juda e Dala mar Othidhe, mi gidhi e thim Juda ma yo milambo mar Arad, kendo ne gidak gi jo-Amalek kuno.

1 Samuel 25:18

Kuom mano Abigail noreto, mokawo makati mia ariyo, gi ndede ariyo mag divai, gi rombe abich moseyang’, gi migerni abich mag chamb aloda, gi tombo mia achiel mag olemb mzabibu motwo mong’in, kod tombo mia ariyo mag olemb ng’owo mong’in moting’ogi gi kanje.

1 Samuel 25:27

To michni eri ma asekeloni, mondo imi joma in go.