Jong’ad Bura 1:1 - MUMA MALER 2015

¹ Bang’ tho Joshua, jo-Israel nopenjo Ruoth Nyasaye wach niya, “Ere dhoot monego kuong dhi monjo jo-Kanaan?”

Motingʼo Loko Manyien

¹ Bangʼ tho Joshua, jo-Israel nopenjo Jehova Nyasaye niya, “Ere ngʼama biro dhi mokwongo mondo okednwa gi jo-Kanaan?”

Jong’ad Bura 1:1 ပူးပေါင်းရင်းမြစ်များ

1 Ruodhi 22:5

Eka Jehoshafat nowacho ni ruodh Israel niya, “To mokwongo onego wapenj Ruoth Nyasaye wach.”

Wuok 18:15

Musa nodwoke niya, “Nyaka atim kamano, nikech ji biro ira mondo ong’e gima Nyasaye dwaro.

Wuok 28:30

“To koro mogik, nyaka iket ombulu miluongo ni Urim gi Thumim ei law agoko mar ng’ado bura, mondo gibed e kor Harun kodonjo e nyim Ruoth Nyasaye, ka Harun donjo e nyim Ruoth Nyasaye, nobed koting’o gik ng’ado bura ni jo-Israel e kore.

Kwan 27:21

Enobed kodhi ir Eleazar jadolo ma nobed ka goyone ombulu miluongo ni Urim, mondo ong’ego gima Ruoth Nyasaye dwaro. Oganda jo-Israel, kaachiel gi Joshua, nowuog oko kendo noduog dala, mana kaka Eleazar ochikogi.”

Jong’ad Bura 1:27

Jo-Manase bende ne ok oriembo joma nodak Beth-shean, kata joma nodak Dor gi Ibleam kod Megido, gi mier matindo ma nokiewo kodgi. To jo-Kanaan nosiko mana kodak e pinyno.

Jong’ad Bura 2:21

Omiyo koro ok nariemb kata ng’at achiel kuom ogendini duto mane Joshua oweyo bang’ thone.

Jong’ad Bura 2:8

Joshua wuod Nun jatich Ruoth Nyasaye notho ka ja-higni mia achiel gapar.

Jong’ad Bura 2:9

Ne giyike e lope owuon Timnath-heres, man yo nyandwat mar got Gaash e piny gode mag Efraim.

Jong’ad Bura 20:18

Jo-Israel nowuok modhi Bethel, mi gipenjo Nyasaye wach niya, “Ere dhoot monego kuong dhi monjo jo-Benjamin?” Ruoth Nyasaye nodwoko ni, “Dhood Juda ema mondo okuong monjogi.”

Jong’ad Bura 20:27

E ndalono Sandug Muma mar Nyasaye ne ni kuno,

Jong’ad Bura 20:28

kendo Finehas wuod Eleazar ma wuod Harun ne e jadolo e nyim Ruoth Nyasaye. Jo-Israel nopenjo Nyasaye niya, “Wadog mondo waked gi owetewa ma jo-Benjamin, koso wawe?” Ruoth Nyasaye nodwoko niya, “Monjgiuru, kendo kiny nachiwgi e lwetu.”

1 Samuel 10:22

Emomiyo ne gichako gipenjo Ruoth Nyasaye wach niya, “Ng’atno osebiro ka koso?” Ruoth Nyasaye nodwokogi ni, “Ero opondo e kind misike.”