Jona 4:6 - MUMA MALER 2015

⁶ Ruoth Nyasaye nomiyo otangle otwi e wi tat kiruno, mondo okel tipo ma dimi Jona kue. Omiyo Jona nobedo mamor ahinya gi otangleno.

Motingʼo Loko Manyien

⁶ To Jehova Nyasaye nomiyo otanglo otwi modongo kendo oumo Jona mondo okel tipo ne wiye, ma dimi obed gi kwe, mi Jona nopongʼ gi mor kuom otanglono.

Jona 4:6 ပူးပေါင်းရင်းမြစ်များ

Ayub 7:2

kata ka misumba ma gombo yueyo e tipo mang’ich, kendo ka jatich madwaro misache.

Ngeche 23:5

to bed mariek nimar pesani nyalo lal ka diemo wang’, mana ka gima en gi buombene ma ohuyogo ka ongo.

Isaya 39:2

Hezekia norwako jootego, monyisogi mwandune duto mane ni e ode mar keno, kaka fedha gi dhahabu gi gik mang’ue ng’ar, gi mo ma nengone tek kod gilweny, kaachiel gi gik moko duto mane ni kuonde kanone. Onge gimoro amora e ode kata e pinye mane ok onyisogi.

Amos 6:13

Umor kuom loyo dala maonge ndhathe, bende usungoru ni un gi teko moloyo kawo Karnaim.

Jona 1:17

To Ruoth Nyasaye nosechano ni mondo rech mang’ongo omwony Jona, omiyo Jona noriyo ei rechno ndalo adek, odiechieng’ gotieno.

Jona 4:5

Jona nowuok modhi obet piny yo wuok chieng’ mar Nineve. Nogero kiru kanyo mobetie koyueyo chieng’, korito gima ditimre ni dalano.

Jona 4:7

To kinyne kane piny oru, Nyasaye nomiyo kudni ochwowo otangleno, mi otangle otwo.

Luka 10:20

To kik ubed mamor ni jochiende winjou, to beduru mamor mana nikech nyingu ondiki e polo.”

1 Jo-Korintho 7:30

kendo joma ywak mondo obed ka joma ok ywagi. Joma nigi mor bende obed ka joma ok nigi mor, kendo joma ng’iewo gik moko mondo obed ka joma ok gin weg ma giseng’iewogo.