Jona 4:5 - MUMA MALER 2015

⁵ Jona nowuok modhi obet piny yo wuok chieng’ mar Nineve. Nogero kiru kanyo mobetie koyueyo chieng’, korito gima ditimre ni dalano.

Motingʼo Loko Manyien

⁵ Jona nowuok modhi obedo piny yor wuok chiengʼ mar dala maduongʼno, mi nogero kiru kanyo nobetie tipone koyweyo kendo korito neno gima dhi timore ne dalano.

Jona 4:5 ပူးပေါင်းရင်းမြစ်များ

1 Ruodhi 19:13

Kane Elija owinjo kamano, nogeng’o wang’e gi lawe mar abola, kendo nowuok, mochung’ e dho rogo. Eka nowinjo dwol kapenje niya, “Elija, itimo ang’o ka?”

1 Ruodhi 19:9

Nodonjo e rogo moro, mobworoe. Eka wach Ruoth Nyasaye nobirone niya, “Elija, itimo ang’o ka?”

Isaya 57:17

Kuom kinde moko, ne akecho ka aneno ketho jo-Israel. Ne agoyogi ka mirima oloya, mi apandonigi wang’a, to ne giringo ka joneko, mi gidhi kuma gin ema gihero.

Jeremia 20:9

To ka awacho ni abiro weyi mondo kik achak awuo e nyingi, to wachni wang’o chunya, mana ka mach. Opong’o chokena, kendo ohewa ting’o ma ok anyal siro.

Jona 1:5

Kibaji nogoyo jokwang’, mi ng’ato ka ng’ato nolamo nyasache. Gik mane gin go e yie ne giwito e nam, mondo yie odong’ mayot. To sechego noyudo Jona oselor e yie piny, kendo oriere kuno ka nindo ogoye ngoga.

Jona 4:4

To Ruoth Nyasaye nopenje niya, “Bende iparo ni ber kikecho kamano?”

Jona 4:6

Ruoth Nyasaye nomiyo otangle otwi e wi tat kiruno, mondo okel tipo ma dimi Jona kue. Omiyo Jona nobedo mamor ahinya gi otangleno.